"MuğanBank"da dəhşət: Müştəri mühafizəçinin ağzını kəsdi - YENİLƏNİB + TƏFƏRRÜAT

"MuğanBank"da dəhşət: Müştəri mühafizəçinin ağzını kəsdi - YENİLƏNİB + TƏFƏRRÜAT

Mübahisə düşüb

Bakıda bankın mühafizəçisini bıçaqlayan şəxs saxlanılıb.

BakuCity.az “Report”a istinadən xəbər verir ki, hadisə "MuğanBank" ASC-nin filiallarından birində qeydə alınıb.

Belə ki, müştəri ilə bankın mühafizəçisi arasında avtomobilin park edilməsi üstündə mübahisə yaranıb. Daha sonra müştəri mühafizəçinin ağız nahiyəsinə bıçaqla xəsarət yetirib.

Nərimanov Rayon Polis İdarəsinin 17-ci Polis Şöbəsinin əməkdaşları hadisəni törətməkdə şübhəli bilinən 1968-ci il təvəllüdlü Nofəl Sərkərlini saxlayıb.

Faktı Bakı Şəhər Baş Polis İdarəsinin Mətbuat xidməti də təsdiqləyib.

Araşdırma aparılır.

14:36

"MuğanBank" ASC-nin baş ofisində baş vermiş insidentin təfərrüatı məlum olub.

BakuCity.az Baku.ws-ə istinadən xəbər verir ki, hadisə parkinq yerinə görə baş verib.

Bankın müştərisi avtomobilini bankın idarə heyətinin sədri Elmir Mehdiyevin maşını üçün nəzərdə tutulan yerdə saxlayıb. Bu zaman mühafizəçi müştəriyə yaxınlaşaraq maşını çıxartmağı tələb edib.

Müştəri ilə mühafizəçi mübahisə etməyə və bir-birlərinə nalayiq ifadələr səsləndirməyə başlayıblar.

Sonda isə müştəri mühafizəçinin ağız nahiyəsinə bıçaqla xəsarət yetirib.

13:00

"MuğanBank" ASC-nin baş ofisində insident baş verib. 

BakuCity.az Baku.ws-ə istinadən məlumat verir ki, müştəri ilə bankın mühafizəçisi arasında mübahisə yaranıb.

Daha sonra müştəri bıçaq çıxardaraq mühafizəçinin ağzını kəsib. 

Hadisə ilə bağlı əlavə məlumat veriləcək.

BakuCity.az

"MuğanBank" mühafizəçi mübahisə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər