Nərminin atası səs yazısından danışdı: "Altayla problemimiz olub, şokdayam" - VİDEO

Nərminin atası səs yazısından danışdı: "Altayla problemimiz olub, şokdayam" - VİDEO

"Kənddə mal-qara oğurlamışdı, amma mənim üstümə atmaq istəyirdi"

Tovuz rayonunun Dondar-Quşçu kəndində 10 yaşlı Nərmin Quliyevanın qətli ilə bağlı "Youtube"da sensasion səs yazısı yayılıb.

BakuCity.az xəbər verir ki, səs yazısında naməlum şəxs N.Quliyevanın ölümündə 38 yaşlı Dondar Quşçu sakini Ələkbərov Altay Famil oğlunu günahlandırıb. O bildirib ki, Nərmini məhz həmin şəxs qətlə yetirib. Eyni zamanda, onun 069 nömrəli VAZ 2107 markalı avtomobili idarə etdiyini deyib. Onun atası kənddə riyaziyyat müəllimidir. 

Naməlum şəxs həmçinin qeyd edib ki, A.Əkbərov kənddə tapança ilə gəzib, hətta qardaşının arvadını zorlayıb. Onun Nərmini öldürməsini isə Ələkbərov Asif Əkbər oğlu və Rzayev Vüsal Tərlan oğlu görüb.

Həmçinin oxu: 10 yaşlı Nərminin qətli ilə bağlı sensasion səs yazısı yayıldı - AÇIQLAMA + VİDEO

N.Quliyevanın atası Şərif Quliyev News24.az-a açıqlamasında deyilənlərlə bağlı bunları bildirib:

"O səs yazısında adıçəkilən Altay mənim qonşumdur. Videoda onun haqqında deyilən ittihamların doğru olub-olmaması barədə heç nə deyə bilmərəm. Məsələlərdən də xəbərsizəm. Yalnız onu deyə bilərəm ki, o adam bizə yaxın yaşayır, kənddə usta işləyir. Atası təqaüdçüdür, vaxtilə məktəbdə mənə dərs deyib. İki il bundan əvvəl Altayla aramızda problemimiz olub. O adam kənddə mal-qara oğurlamışdı. Amma onu mənim üstümə atmaq istəyirdi, məni şərləməyə çalışırdı. Düzdür, o söhbətdən sonra biz barışdıq. Münasibətlərimiz də normaldır. Nərminin dəfninə gəlmişdi, hətta uşağın axtarışlarında da bizə kömək edirdi".

Ş.Quliyev onu da qeyd edib ki, həmin şəxs evlidir, iki oğlu var:

"Onunla təkcə qonşu yox, həm də qohumuq. Yoldaşı mənimlə, həm də həyat yoldaşımla qohumdur. Bəzi cəhətləri var, amma onun qızımın ölümündə əli var, ya yox, onu deyə bilmirəm. İnanın ki, mən də dünəndən şokdayam".

BakuCity.az

Tovuz qətl qız
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər