Bakıda 9 mərtəbəli binada qumbara həyəcanı - FOTO

Bakıda 9 mərtəbəli binada qumbara həyəcanı - FOTO

Ərazi polislər tərəfindən mühasirəyə alınıb

Bakıda qumbara tapılıb.

Azərbaycan Ərazilərinin Minalardan Təmizlənməsi üzrə Milli Agentlikdən (ANAMA) BakuCity.az-a bildirilib ki, yanvarın 6-sı saat 15:20-də Daxili İşlər Nazirliyinin (DİN) ″102″ Xidməti-Zəng mərkəzi sistemindən agentliyə Bakı şəhəri, Nəsimi rayonu, Akademik Həsən Əliyev küçəsi, 1 “D” ünvanında 1 ədəd partlamamış əl qumbarasının tapılması barədə məlumat daxil olub.

Agentliyin xüsusi mobil çevik əməliyyat qrupu, DİN-in Bakı Şəhər Baş Polis İdarəsinin (BŞBPİ), Nəsimi Rayon Polis İdarəsinin (RPİ) və Fövqəladə Hallar Nazirliyinin (FHN) Xüsusi Riskli Xilasetmə Xidmətinin əməkdaşları dərhal həmin əraziyə göndərilib.

Agentliyin mütəxəssisləri, BŞBPİ, Nəsimi RPİ və Xüsusi Riskli Xilasetmə Xidmətinin əməkdaşları tərəfindən birlikdə yuxarıda adı qeyd olunmuş ərazidə 9 mərtəbəli binanın liftinin şaxtasına baxış keçirilib.

Təhlükəsizliyi təmin etmək məqsədilə ərazi polislər tərəfindən mühasirəyə alınıb.

Agentliyin mütəxəssisləri ilə Xüsusi Riskli Xilasetmə Xidmətinin əməkdaşlarını tərəfindən birgə aparılan təcili təxirəsalınmaz əməliyyat-axtarış tədbirləri nəticəsində 1 ədəd RQD-5 əl qumbarası və boş patron lenti aşkar olunub, zərərsizləşdirilməsi üçün götürülərək ANAMA-nın mərkəzi məhvetmə ərazisinə daşınıb.

Əl qumbarasının və patron lentinin ətrafında 20 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Bakıda 9 mərtəbəli binada qumbara həyəcanı - FOTO, fotoşəkil-1 Bakıda 9 mərtəbəli binada qumbara həyəcanı - FOTO, fotoşəkil-2 Bakıda 9 mərtəbəli binada qumbara həyəcanı - FOTO, fotoşəkil-3 Bakıda 9 mərtəbəli binada qumbara həyəcanı - FOTO, fotoşəkil-4 Bakıda 9 mərtəbəli binada qumbara həyəcanı - FOTO, fotoşəkil-5 Bakıda 9 mərtəbəli binada qumbara həyəcanı - FOTO, fotoşəkil-6 Bakıda 9 mərtəbəli binada qumbara həyəcanı - FOTO, fotoşəkil-7 Bakıda 9 mərtəbəli binada qumbara həyəcanı - FOTO, fotoşəkil-8

BakuCity.az

Bakı bina qumbara
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər