Bu il yeni bərpa mərkəzləri istifadəyə veriləcək

Bu il yeni bərpa mərkəzləri istifadəyə veriləcək

Bərpa xidməti göstərilənlərin sayı iki dəfə artacaq

Prezident İlham Əliyevin tapşırıqları əsasında reabilitasiya müəssisələrinin  müasir tələblərə uyğun qurularaq istifadəyə verilməsi işləri bu il də davam edəcək.

Əmək və Əhalinin Sosial Müdafiəsi Nazirliyindən BakuCity.az-a verilən məlumata görə, 2020-ci ildə Xaçmaz, Şəki, Lənkəran, Şirvan şəhərlərində hər biri ildə 700 şəxsə xidmət göstərəcək bərpa mərkəzləri və ildə 6500 şəxsə xidmət göstərəcək Şağan Əlilliyi olan şəxslər üçün Müalicə Pansionatı əsaslı təmir və yenidənqurmadan sonra istifadəyə veriləcək.

Həmçinin Sumqayıt şəhərindəki bərpa mərkəzində müasir reabilitasiya şəraiti yaradılır və həmin mərkəzin də cari ildə açılışı nəzərdə tutulub. Mərkəz ildə 1500 şəxsi bərpa xidmətləri ilə təmin edəcək. 

Eyni zamanda, bu il Şəmkir və Qəbələ rayonlarında hər biri ildə 1000-dək şəxsə bərpa xidmətləri göstərəcək yeni müəssisələrin tikintisi həyata keçiriləcək.

Beləliklə, 2020-ci ildə açılacaq və inşasına başlanacaq bərpa mərkəzləri ildə əlavə 12,8 min şəxsə reabilitasiya xidməti göstərməyə, bu xidmətlərlə təmin edilənlərin illik sayının iki dəfə  artaraq 26,1 minə çatmasına imkan verəcək.

Bu il yeni bərpa mərkəzləri istifadəyə veriləcək, fotoşəkil-1

BakuCity.az

bərpa mərkəzləri reabilitasiya
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər