"Niva" ilə avtoxuliqanlıq edən gənclər həbs edildi - FOTO + VİDEO

"Niva" ilə avtoxuliqanlıq edən gənclər həbs edildi - FOTO + VİDEO

Qarlı hava şəraitində təhlükəli manevrlər ediblər

Xızıda avtoxuliqanlıq edən gənclər tutulublar.

Daxili İşlər Nazirliyinin (DİN) Mətbuat xidmətindən BakuCity.az-a verilən məlumata görə, Xızı Rayon Polis Şöbəsi (RPŞ) Dövlət Yol Polisi (DYP) Bölməsinin əməkdaşları tərəfindən həyata keçirilən tədbirlərlə rayon ərazisində yol hərəkəti qaydalarını kobud şəkildə pozaraq cəmiyyətə qarşı açıq hörmətsizlik edən, eləcə də yol hərəkəti iştirakçılarının həyatı üçün ciddi təhlükə yaradan üç sürücü saxlanılaraq barələrində qanunvericiliyə uyğun olaraq müvafiq tədbirlər görülüb.

Həmçinin oxu: Bakıda ölümə gedən "avtoş" - VİDEO

"Niva" ilə avtoxuliqanlıq edən gənclər həbs edildi - FOTO + VİDEO, fotoşəkil-1 "Niva" ilə avtoxuliqanlıq edən gənclər həbs edildi - FOTO + VİDEO, fotoşəkil-2 "Niva" ilə avtoxuliqanlıq edən gənclər həbs edildi - FOTO + VİDEO, fotoşəkil-3

Araşdırmalarla avtoxuliqanlıq hərəkətləri edən gənclərin Bakı şəhər sakinləri, N.Rüstəmov, F.Bağırov və X.Qubadov olduqları məlum olub. Hər üç sürücü idarə etdikləri Rusiya istehsalı olan “Niva” markalı avtomobillərlə Xızı rayonu ərazisində qarlı hava şəraitində təhlükəli manevrlər edərək, həm özlərinin, həm də digər hərəkət iştirakçılarının həyatları üçün ciddi təhlükə yaradıblar.

Yollarda intizamsızlıq edən, yol hərəkəti qaydalarını kobud şəkildə pozan, eləcə də nəqliyyat vasitələrinə konstruksiya dəyişiklikləri edərək idarə edən bu şəxslər barəsində Xızı RPŞ DYPB-nin əməkdaşları tərəfindən inzibati qaydada protokollar tərtib olunaraq baxılması üçün rayon məhkəməsinə göndərilib və hər üç sürücü Xızı Rayon Məhkəməsi tərəfindən inzibati qaydada həbs edilib.

BakuCity.az

Xızı avtoxuliqanlıq "Niva" həbs
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər