2 min işsizdən 3 milyon alıb aradan çıxan biznes ledinin FIRILDAQ SXEMİ - VİDEO

"3-4 aydır bizi aldadır. Hər ay deyir ki, gələn ay maaş olacaq"

İşə düzəltmək adı ilə yüzlərlə insanın pulunu mənimsəyən “Mak Marin LTD” şirkətinin təsisçisi və rəhbəri Mətanət Süleymanzadənin fırıldaq sxemi bir neçə ili və fərqli 3 şirkəti əhatə edir.

BakuCity.az Musavat.com-a istinadən xəbər verir ki, hazırda soyadı Həsənovadan Süleymanzadəyə dəyişdirilən Mətanət Zahir qızı haqqında 2016 və 2019-cu illərdə yazılar dərc edilib.

“Yeni Müsavat”ın 17.04.2016-cı il tarixli sayında “Bakıda vətəndaşları aldadan fırıldaqçı qadınların əməlləri: milyonlar necə ələ keçirildi?” sərlövhəli yazıda Mətanət Həsənovanın 1200 nəfərə yaxın vətəndaşı aldadaraq 2 milyon 800 min manata qədər pul almasından söhbət açılırdı.

Vətəndaşlar demişdilər ki, onlardan pul aşağıda qeyd olunan sxem üzrə alınıb:

“Topstaff LTD” şirkəti 2008-ci ildə yaradılıb. Şirkətin yaradılmasının məqsədi neft-qaz, həmçinin tikinti şirkətlərini avadanlıqlarla təmin etmək olub. Lakin 2015-ci ildən şirkət fəaliyyət istiqamətini dəyişməyə başlayıb. Elə bu müddətdən sonra şirkətdən şikayətçi olanların sayı hər gün artmağa başlayıb. 2015-ci ildən şirkətə cəlb olunan şəxslərə vəd edilib ki, treninqlər keçdikdən sonra onlar SOCAR, BP, “Bos Shelf”, “Pasha Construction”, “Tekfen”, “North-West”, “Lider-Monolit”, “Synergy Group”a işə düzəldiləcəklər. Pul adlıqları şəxsləri bu şirkətlərə qaynaqçı, mexanik, elektrik, rəngsaz və s. kimi işlərə düzəldəcəklərini deyiblər. Lakin sonradan bu vədlərin heç birinə əməl olunmayıb.

“Topstaff LTD”nin Bakıda “Caspian Plaza” və “ISR Plaza”da ofisləri olub. Bakı və Sumqayıt şəhərlərində, Qaradağ rayonunda treninq mərkəzləri açaraq gördükləri işlərin inandırıcı olduğunu göstərməyə çalışıblar. Vətəndaşları Bakıdakı neft şirkətlərinə işə düzəldəcəkləri adı ilə onlardan 10-15 min manata qədər pul alıblar.

Əvvəlcə pul aldıqları şəxsləri treninqlərə göndərən fırıldaqçı şəbəkə daha sonra onları işlə təmin edəcəklərini deyiblər. Lakin treninq müddəti başa çatdıqdan sonra müxtəlif bəhanələrlə vətəndaşları get-gələ salmağa başlayıblar. Treninqlər başa çatdıqdan sonra vədlər verməyə başlayıblar ki, guya yeni layihələr həyata keçiriləcək və buna görə bir müddət gözləmək lazımdır. Bu müddət ərzində insanları razı salmaq üçün onlara aylıq 200-300 manat maaş da verilib. Lakin 2016-cı ilin əvvəlindən şikayətçilərin sayı artdıqdan sonra bu şəbəkəyə pul verənlər aldadıqlarını başa düşüblər".

“Bakıda növbəti böyük fırıldaq - işə düzəlmək istədilər, işə düşdülər - təfərrüat” sərlövhəli yazı isə “Yeni Müsavat”ın 05.08.2019-cu il tarixli sayında dərc olunub. Həmin yazıda da M.Həsənovanın eyni mahiyyətli əməllərindən söhbət açılırdı.

Şirvan şəhər sakini Bəxtiyar Məmmədov demişdi ki, M.Həsənovanın onun kimi aldatdığı 500-ə yaxın vətəndaş var:

“Bizi inandırmaq üçün Balaxanıdakı maşınqayırma zavodunda 20-25 gün təlim keçib. 3-4 aydır ki, bizi aldadır. Hər ay deyir ki, gələn ay maaş olacaq. Məni elektrik işinə götürəcəkdi. Guya Mətanət Zahir qızı Həsənovanın ”Makstaff" şirkəti məni Bakı Gəmiqayırma Zavoduna elektrik vəzifəsinə işə düzəldəcəkdi. Bizə "e-gov" saytından çıxarılmış, işçi olmağımız barədə arayışlar da verib. Sonradan bilmişik ki, faktiki "e-gov"da barəmizdə heç bir məlumat yoxdur. İndi də deyir ki, gedin, kimə istəyirsiniz deyin".

“Mətanət Zahir qızı Həsənova bizi ”Makstaff" şirkətinə işə götürəcəyi adı ilə aldadıb. Sonra da şirkətin adını dəyişib “Makmerri” elədi. Özü yazır, özü pozur. Bəxtiyar Məmmədov Mətanət Həsənovanın onları aldadandan sonra şirkətin adını dəyişdirdiyini söyləsə də, soyadının dəyişdirilməsi haqqında hər hansı bir məlumat verməmişdi.

Elə adam var ondan 300, eləsi var 50, bir çoxundan da 1000 manat pul alıb. Elə adamlar da var ki, onlardan 10 min manata qədər pul alıb ki, işə düzəldirəm. Hazırda ofisi Bakının Nizami rayonunda, Əlyar Əliyev, 69 ünvanında, Keşlə bazarına yaxın “Fidan” gözəllik salonunun üstündə yerləşir".

Yayılan məlumatlardan belə aydın olur ki, M.Həsənova, hazırda isə Mətanət Süleymanzadə soyadlı bir qadın ölkədə 2 mindən çox vətəndaşın işə qəbul olunmaq istəyini bu şəkildə özünün biznesinə çevirib. Son nəticə olaraq işsizlərin pulu da gedib, işə düzəlmək arzuları da reallaşmayıb. Ortada qazanan Mətanət Zahir qızı, itirən isə 2 mindən artıq vətəndaş olub. Onu da qeyd edək ki, hər dəfə Mətanət Zahir qızının saxlanılması xəbərindən sonra onun azad edilməsi xəbəri də gəlir. Milyonçu xanımın azad edilməsinin səbəbi haqqında isə ictimaiyyətə hər hansı bir açıqlama verilmir.

Baku.ws xəbər verir ki, saxlanıldığı barədə xəbər yayılan “Mak Marin LTD” şirkətinin təsisçisi və rəhbəri Mətanət Süleymanzadənin əməllərindən əziyyət çəkənlər ATV-nin "BizimləSən" proqramına müraciət ediblər. Verilişə gələnlər işə düzəlmək üçün ona böyük məbləğdə pul ödədiklərini bildiriblər. Onların sözlərinə görə, "Mak Marin LTD” şirkətinin təsisçisi və rəhbəri insanları işə düzəltmək adı ilə yüzlərlə insanın pulunu mənimsəyib. M.Süleymanzadə insanları "Azfen", "Tekfen", BP və bu kimi nüfuzlu şirkətlərdə işlə təmin edəcəyinə inandıraraq pullarını mənimsəyib və komandası ilə birlikdə aradan çıxıb. Aldadılan şəxslər dələduza rast gəldiklərini yalnız ofis bağlandıqdan sonra tam anladıqlarını deyirlər. 

Onlar qadını güdərək yaxalayıblar və pullarını tələb ediblər. Verilişə təqdim edilən videoda Mətanətin pulunu tələb edən insanlara "xahiş edirəm, birinci günə qədər dözün" deyərək vaxt istəməsini eşidirik. Lakin qurbanlar onun bu sözünə inanmayaraq polis çağırıblar. Mətanət Süleymanzadə 17-ci Polis bölməsinə aparılıb. Onlarla insan DİN-in 102 "qaynar xətt"inə və polisə şikayət ediblər.

Bakı Şəhər Baş Polis İdarəsi (BŞBPİ) “Mak Marin LTD” şirkətinin təsisçisi və rəhbəri Mətanət Süleymanzadənin dələduzluğa görə saxlanılması ilə bağlı məlumatlara münasibət bildirib.

BŞBPİ-in Mətbuat xidmətinin rəisi, polis mayoru Elşad Hacıyev BakuCity.az-a bildirib ki, vətəndaşlardan daxil olan müraciətlər üzrə Xətai Rayon Polis İdarəsinin İstintaq şöbəsində araşdırma aparılır

"Araşdırmanın nəticəsindən asılı olaraq, əmələ hüquqi qiymət veriləcək. Hazırda Mətanət Süleymanzadə saxlanılmayıb".

BakuCity.az

biznes ledi mənimsəmə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Tanınmış müğənni Nura Suri özünə yeni iş tapıb. BakuCity.az xəbər verir ki, müğəni tikinti şirkətlərindən birinin reklam və ictimaiyyətlə əlaqələr şöbəsinin müdiri vəzifəsinə təyin olunub. Qeyd edək ki, Nura Suri bir müddət əvvəl özünə yeni iş axtardığını demişdi. "Balamı böyütməliyəm, işləməliyəm, pul qazanmalıyam. Bu, hələlik bizim sahədə mümkün deyil", - deyə məşhur müğənni bildirmişdi. (azxeber.com) BakuCity.az
Mədəniyyət
“Mənəviyat Carçısı” adlı sənədli filmin çəkilişləri uğurla davam etdirilir. Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2020-ci il üçün elan etdiyi I qrant müsabiqəsi çərçivəsində qalib olan “Milli Dəyərlərin Qorunması” İctimai Birliyinin layihəsinə əsasən Şuranın maliyyə dəstəyi ilə “VətənTV” Media Şirkətində istehsal olunacaq “Mənəviyyat  Carçısı” adlı sənədli filmin çəkilişləri davam edir. BakuCity...
Biznes
AQTA ictimai iaşə obyektlərinin əməl etməli olduqları qaydalarla bağlı növbəti dəfə açıqlama yayıb. Azərbaycan Qida Təhlükəsizliyi Agentliyi (AQTA) insanların sıx toplaşmasının xəstəliyin yayılma intensivliyinə birbaşa təsirini nəzərə alaraq, ictimai iaşə müəssisələrində bir sıra qaydalara əməl etməli olduqları qaydalarla bağlı növbəti dəfə açıqlama yayıb. BakuCity.az AQTA-ya istinadən qaydaları təqdim edir: • Hər bir şəxs ictimai iaşə müəssisələrinə daxil...
Cəmiyyət
Azərbaycanda koronavirusla bağlı son statistika açıqlanıb. Azərbaycanda koronavirus (COVID-19) infeksiyasına 84 yeni yoluxma faktı qeydə alınıb, 214 nəfər müalicə olunaraq sağalıb və evə buraxılıb. Nazirlər Kabineti yanında Operativ Qərargahdan BakuCity.az-a verilən məlumata görə, COVID-19 üçün götürülən analiz nümunələri müsbət çıxmış 3 nəfər vəfat edib. İndiyədək ölkədə ümumilikdə 33 731 nəfərin koronavirus infeksiyasına yoluxması faktı müəyyən edilib, o...
Cəmiyyət
Bakıdan BƏƏ-yə gedənlərə xəbərdarlıq edilib. Azərbaycandan Birləşmiş Ərəb Əmirliklərinə (BƏƏ) uçuşlar hazırda “Fly Dubai” şirkəti vasitəsilə həyata keçirilir. Pandemiya ilə əlaqədar olaraq Bakıdan Dubaya gedən sərnişinlərdən iki forma doldurulması tələb olunur. Bunlardan biri sağlamlıq haqqında olur, Dubaya getmək istəyən şəxsin COVID-19 virusuna yoluxub-yoluxmaması, bu virusu daşıyanlarla ünsiyyətdə olub-olmaması ilə bağlı məlumatları əks etdirir. Digəri...
Cəmiyyət
Dünyada sürətlə yayılan COVID-19 pandemiyası ilə bağlı alimlərin araşdırmaları davam edir. Ümumi mənada xəstəliyin ilkin olaraq özünü qrip və soyuqdəymə kimi büruzə verdiyi müşahidə olunur. Bununla belə, bir çox insan bu virusa yoluxmanın necə baş veriyini bilmir. BakuCity.az koronavirusa yoluxan insanların günbəgün hansı simptomlarla üzləşdiyini təqdim edir: 1-3-cü gün Soyuqdəymə və qrip kimi özünü göstərir. Yüngül qızdırma və boğaz ağrısı müşahidə olunur...
Ekologiya
Bakıda 12 avqustda gözlənilən hava şəraiti açıqlanıb. Milli Hidrometeorologiya Xidmətindən BakuCity.az-a verilən məlumata görə, Bakıda və Abşeron yarımadasında havanın dəyişkən buludlu olacağı, yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu  Abşeron yarımadasında gecə 20-24, gündüz  28-32,  Bakıda gecə 22-24, gündüz 29-31 dərəcə isti olacaq. Atmosfer  təzyiqi normadan aşağı 757 mm civə sütunu, nisbi rütubət gecə 65-70,...
Cəmiyyət
Azərbaycanda tanınmış aparıcıya vəzifə verilib. Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İctimaiyyətlə əlaqələr şöbəsinin müdiri vəzifəsinə Murad Həşimov təyin olunub. BakuCity.az xəbər verir ki, bu barədə Agentliyin İdarə Heyətinin sədri Vüqar Behbudov əmr imzalayıb. M.Həşimov daha əvvəl “Mədəniyyət” kanalında “Xəbərlər”, “İnterAz” televiziyasında “Səhər xəbərləri” proqramlarının, “Araz” FM radiosunda “Səhər” b...
Cəmiyyət
Paytaxtda nəzarət-profilaktiki reydlər keçirilir. Koronavirus (COVID-19) infeksiyasının kütləvi yayılmasının qarşısının alınması məqsədilə paytaxtda polis və DQ-nin hərbi qulluqçuları fəaliyyətinə icazə verilən obyektlərdə, ictimai nəqliyyatda və əhalinin sıx olduğu yerlərdə nəzarət-profilaktiki reydlər keçirilir. BakuCity.az xəbər verir ki, Bakı şəhər Baş Polis İdarəsinin (BŞBPİ) Mətbuat Xidmətindən verilən məlumata görə, polis və DQ-nin naryad q...