Rauf Arifoğlundan gözlənilməz təklif: "Səsvermənin nəticəsi ləğv edilsin, bir daha yarışaq"

Rauf Arifoğlundan gözlənilməz təklif: "Səsvermənin nəticəsi ləğv edilsin, bir daha yarışaq"

"Bunu bu dəfə mən tələb edirəm!"

Mərkəzi Seçki Komissiyasının fevralın 9-da keçirilmiş növbədənkənar parlament seçkiləri üzrə elan etdiyi ilkin nəticələrə əsasən 35 saylı Xətai üçüncü seçki dairəsindən lider namizəd olan Rauf Arifoğlu səsvermənin nəticəsinin ləğv olunmasını təklif edib.

BakuCity.az xəbər verir ki, R.Arifoğlu sosial şəbəkədəki səhifəsində yazıb:

"Rəqiblərim, ölkəni qarışdırmaq istəyən təhlükəli şəbəkə sosial mediada fırtına yaradırlar! Bütün seçki boyu saxtakarlıqlara əl atanlar bizi saxta yolla seçilməkdə suçlayırlar! İnsanları manipulyasiya edirlər! Ölkədə keçirilən seçkinin ən nümunəvi dairəsində apardığımız kampaniyanı, demokratik seçkini ləkələməyə çalışırlar.

Həmçinin oxu: Hadi Rəcəblinin lider olduğu dairədə səsvermənin nəticələri ləğv edilib? - İddiaya CAVAB

Təmiz, halal bir qələbə qazanmışam! Qəbul edə bilmirlər! Araz Əlizadəni quzu kimi qəbul etmişdilər, mənim möhtəşəm qələbəmi sinirə bilmirlər! Çünki bu, gerçəkdir və nəticə birilərinin çirkli siyasi karyerasını bitirir! 5000 səs fərqi ilə özündənrazı və saxtakar rəqibimi qutuda qoymuşam! Qane olmurmu? Qəbul etmirmi? Bütün antiislahat, sabotaj dəstəsi ona dəstəkdirmi? Hadi, mən də razıyam! Bir daha yarışaq! İddia etmirsiniz, MSK nəticələri ləğv edəcək? Etsin! Təkrar, bütün ölkənin gözləri önündə yarışaq. Bu dəfə klon namizədlər olmadan, fırıldaqlar, təxribatçı qadınlar olmadan! Rüşvət olmadan. Çirkli texnologiyalar olmadan! Amma biləsiz: heç nə dəyişməyəcək! Yenə udacağam! 5 dəfə də olsa, bu adamın məni seçki meydanında udmaq şansı yoxdur! Ona görə də sakitləşsin, otursun yerinə!

Hodri meydan! Olsun və yarış yenidən başlasın! Bunu bu dəfə mən tələb edirəm!"

Rauf Arifoğlundan gözlənilməz təklif: "Səsvermənin nəticəsi ləğv edilsin, bir daha yarışaq", fotoşəkil-1

BakuCity.az

Rauf Arifoğlu parlament seçkiləri nəticələr
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər