Bakıda bu evlər də plana düşdü - YENİ SİYAHI

Bakıda bu evlər də plana düşdü - YENİ SİYAHI

Ən çox qəzalı bina Sabunçu rayonundadır

Bakıda tikinti-təmir işləri davam edir. Bu il də paytaxtda söküləcək evlərin və qəzalı binaların siyahısı hazırlanır. Siyahı tam hazır olandan sonra Nazirlər Kabineti tərəfindən təsdiq olunacaq.

BakuCity.az xəbər verir ki, bu barədə Bakı Şəhər İcra Hakimiyyətindən Baku.ws-ə bildirilib.

Məlumata görə, qəzalı binalarla bağlı siyahı artıq Nazirlər Kabinetinə təqdim edilib:

“Həmin siyahıya baxılacaq və köçürülmə işləri aparılacaq”.

Həmçinin oxu: Bakıda bu qəsəbə plana düşüb? - Siyahıyaalma başladı

Bundan əlavə, ötən ildən qalan söküntü işləri davam etdirilir. Belə ki, ötən il Nazirlər Kabinetinin verdiyi qərara əsasən, Bakıda 17 bina qəzalı vəziyyətdə olduğu üçün sökülməlidir.

Bundan əlavə, Səbail rayonunda sürüşmə ərazisindən 92 ailənin köçürülməsinə qərar verilib. Həmin işlər yaxın günlərdə başa çatmalıdır.

Həmçinin keçmiş "Sovetski" adlanan ərazidə əhalinin köçürülməsi işləri hələ tam yekunlaşmayıb.

M.Sübhü, Vidadi, Tolstoy, Z.Adıgözəlov, A.Şaiq küçələrində söküntü gedən ərazilərdə qalan 24 evdən artıq 14-ü köçürülüb. Həmin ailələrin əksəriyyəti də MİDA-nın mənzillərinə yerləşdirilib. Qalan vətəndaşlar isə bazar qiymətindən qat-qat artıq pul istəyirlər. Bu səbəbdən də onlar həmin ərazidən köçürülməyiblər.

Qeyd edək ki, söküntü gedəcək və əhalinin köçürüləcəyi binalar Sabunçu, Səbail, Binəqədi, Xətai, Yasamal rayonları ərazisində yerləşir.

Ən çox qəzalı bina isə Sabunçu rayonu ərazisindədir. Həmçinin 8-ci mkr, Ağasadıq Gəraybəyli küçəsi, 41, Binəqədi rayonu, Koroğlu Rəhimov küçəsi, 53A ünvanında da köhnə yaşayış binaları var. Digər bina isə Bakı şəhəri, Yasamal rayonu, M.A.Əliyev küçəsi, 150 ünvanında yerləşir.

Paytaxtın Səbail rayonunda 20-ci sahə, A.İsmayılov küçəsi, 51 ünvanındakı binanın sökülməsi barədə qərar verilib.

Sabunçu rayonunda isə aşağıdakı ev və binalar kəskin qəzalı vəziyyətdədir:

- Zabrat qəsəbəsi, Nərimanov küçəsi, ev 6
- Sabunçu qəsəbəsi, A.Əsədullayev küçəsi, 27
- Sabunçu qəs., M.Rəsulzadə dalan 3, ev 2
- Sabunçu qəs., B.Bünyadov küçəsi, 7A
- Sabunçu qəs., 2 Aprel küçəsi, ev 8A
- Sabunçu qəs,. 2 Aprel küçəsi, 18
- Sabunçu qəs., D.Pişəvəri küçəsi, 13Q
- Sabunçu qəs., D.Pişəvəri küçəsi, 15

Suraxanı rayonu ərazisində isə dörd binanın kəskin qəzalı olması barədə rəy verilib:

- Park küç, 32
- S.Bəhlulzadə küç., döngə 17, ev 15
- İ.Məmmədov küç., 6
- İ.Məmmədov küç., 8

Paytaxtın Xətai rayonu, General Şıxlinski küçəsi, 42 ünvanında isə bir bina kəskin qəzalı vəziyyətdə olduğu səbəbindən söküləcək.

BakuCity.az

Bakı qəzalı binalar söküntü
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər