Abşeronda direktor işdən çıxarıldı, müəllim və valideynlər ayağa qalxdı - VİDEO

Abşeronda direktor işdən çıxarıldı, müəllim və valideynlər ayağa qalxdı - VİDEO

Hazırkı direktorun münasibətini öyrənmək cəhdləri nəticəsiz qalıb

Abşeronda məktəb direktorunun işdən çıxarılması narazılığa səbəb olub.

BakuCity.az Xezerxeber.az-a istinadən məlumat verir ki, Abşeron rayonu Ceyranbatan qəsəbəsi 1 nömrəli tam orta məktəbin direktoru Çinarə Atayeva bir müddət əvvəl işdən çıxarılıb. Onun yerinə Ruhiyyə Tağıyeva təyin edilib.

Məktəbdəki bu təyinat bəzi müəllim, valideyn və şagirdlər tərəfindən birmənalı qarşılanmayıb. Müəllimlər deyirlər ki, son 21 ildə məktəbdə 7 direktor dəyişib. Bu isə onların pedaqoji fəaliyyətinə mənfi təsir edir. Üstəlik, əvvəlki direktor, yəni Ç.Atayevadan çox razı qalıblar.

Həmçinin oxu: Müəllimlərdən 200 manat yığan direktor vəzifəsindən uzaqlaşdırılıb? - Məktəb təsdiq, İdarə təkzib edir

Valideynlər isə deyirlər ki, əgər yeni direktor məktəbdə qalacaqsa, övladlarını başqa məktəbə keçirəcəklər. Şagirdlər də dəyişikliyi qəbul etmirlər.

Məsələ ilə bağlı məktəbin hazırkı direktorunun münasibətini öyrənmək cəhdləri nəticəsiz qalıb.

Təhsil Nazirlyindən isə bildirilib ki, ümumi təhsil müəssisələrinə direktor təyinatı nazirliyin səlahiyyətindədir. Direktor mərkəzləşdirilmiş müsabiqə əsasında Təhsil nazirinin müvafiq əmrinə uyğun olaraq təyin olunur və yerli təhsili idarəetmə qurumunun rəhbəri tərəfindən kollektivə təqdim olunur.

Sözügedən məktəbdə direktor vəzifəsi 2018-ci il yanvar ayından Çinarə Atayevaya həvalə olunmuşdu.

Yeni direktor təyinatı ilə bağlı əlavə məlumat veriləcək.

BakuCity.az

Abşeron məktəb direktor narazılıq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər