Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO

Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO

Səs-küylü avtomobil yolu, dəmir yolu, yaşıllıq və fəvvarələr

BakuCity.az paytaxtın mərkəzi parklarından biri - Səməd Vurğun bağından bəhs edir.

Bu kiçik yaşıllıq zonası səliqəsi və sadəliyi ilə göz oxşayır, burada hətta daim sıx hərəkətin olduğu, səs-küylü yolda, Bakı Dəmiryol Vağzalının yaxınlığında təmiz hava almaq olar.

Parkda böyük Azərbaycan şairi Səməd Vurğunun heykəli ucaldılıb.

Keçmişdə

Sovet dövründə parkın adı başqa idi – heç bir abidə və heykəli olmayan İliç bağı. 1922-ci ilə qədər parkın yerində şənbə günləri yarmarkanın fəaliyyət göstərdiyi boş meydança var idi. Bu yerdə parkın yaradılması təşəbbüsünü 1922-ci ildə çuqundan bağçılıq məmulatları satıcısı Krasnikov irəli sürdü. 

1938-ci ildə bu ərazidə yüksək metal divarla əhatə olunmuş zoopark fəaliyyət göstərirdi.

1959-cu ildə paytaxtın o vaxtkı meri Ağamirzə Əhmədov paytaxtın abadlaşdırılması və yaşıllaşdırılmasına xüsusi diqqət yetirərək, heyvanları Razin (indiki Bakıxanov) qəsəbəsinə köçürdü və zooparkın yerində proletariat rəhbərinin adını verdiyi bağı saldı.

Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-1 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-2 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-3 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-4 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-5

Transformasiya

Əlbəttə ki, mövcud olduğu bütün illər ərzində park çoxsaylı dəyişikliklərə məruz qalıb: bağın ətrafındakı metal məhəccərlər, bağa yaxın pavilyon sökülüb və piyada zolaqları pozulub.

Nəhayət, 1961-ci ildə vağzala yaxın meydanda, Azərbaycan Dəmir Yolları İdarəsinin binasının qarşısında Səməd Vurğuna abidə qoyuldu. İyulun 8-də tünd qırmızı Ukrayna qranitinin dairəvi pyedestalda beş metrlik bürünc heykəlin möhtəşəm açılışı oldu. 

Heykəltəraş Fuad Əbdürəhmanov, memarı isə Mikayıl Useynovdur.

Müasir dövrdə

Bağın yeni forması əsas piyada terrası ilə simmetrik kompozisiya şəklində yaradılmışdı. Parkın mərkəzi hissəsi ağaclar və çiçəklərlə əhatə olunmuş kiçik yollarla kəsişir. Platformalar üzərində Bakı sakinləri və qonaqlarının istirahəti üçün geniş oturacaqlar qoyulub. Şairin abidəsi önündə "Şəlalə" adlı fəvvarə də var.

Parkda sonuncu dəfə yenidənqurma işləri 2001-ci ildə aparılıb. Burada yeni skamyalar qoyulub, yaşlı ağaclar budanıb, yaşıl sahələrin və dekorativ çiçəklərin sayı artırılıb, fəvvarə bərpa edilib.

Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-6 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-7 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-8 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-9 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-10 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-11 Səməd Vurğun parkı: Keçmiş zoopark, proletariat rəhbəri, Ukrayna qraniti - FOTO, fotoşəkil-12

Züleyxa İsmayılova

Foto: Nicat Alili

BakuCity.az

Bakı Səməd Vurğun park
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər