Tutulan icra başçısı azğınlaşmışdı, qaniçən idi, silah gəzdirirdi - İDDİA

Tutulan icra başçısı azğınlaşmışdı, qaniçən idi, silah gəzdirirdi - İDDİA

"Vəliyev çoxdanın qaniçəni idi. Bunu da hamı bilirdi. Hamı!"

Həbs edildiyi deyilən Neftçala Rayon İcra Hakimiyyətinin başçısı İsmayıl Vəliyev azğınlaşmışdı, silah gəzdirirdi.

BakuCity.az xəbər verir ki, bunu jurnalist İlqar Əhməd sosial şəbəkədəki səhifəsində yazıb.

O qeyd edib: "Hamınız şahidsiniz ki, indiyədək yıxılana balta vurmamışam. Xahiş edirəm ki, yazdıqlarım da bu cür qəbul olunmasın. Dünən həbs olunan İsmayıl Vəliyev 2008-ci (bəlkə də 2009) ildə Qobustanın icra başçısı idi. Rayon camaatı adından bizə şikayət daxil oldu ki, Vəliyev rayon camaatına gün verib işıq vermir, insanların qanını zəli kimi içir. Əslində elə hamısı elədir, Vəliyev də geri qalmaq istəmirdi. Getdik, çəkiliş etdik. Gördüklərim və eşitdiklərim məni şoka salmışdı.

Həmçinin oxu: Vəzifəli şəxslər tutuldu - Neftçaladakı əməliyyatla bağlı RƏSMİ MƏLUMAT

Ardınca yollandıq "xan"ın qəbuluna. "Xan" o qədər azğınlaşmışdı ki, bizi qəbul etdi və söhbət əsnasında masasının üstünə silahını qoydu, özü də mənə tuşlanmış vəziyyətdə. Açığı, bir qədər narahat oldum. Xüsusilə, operatora görə.

Əlqərəz, suallarıma cavab vermədi. Sonda da qayıtdı ki, onsuz efirə getməyəcək. Məndən tez ATV-yə icra başçısının zəngi çatmışdı. Rəhbərlik çağırıb deyəndə ki, material efirə getməyəcək, cavabım qısa idi: "YA MATERİAL EFİRƏ GEDİR, YA DA MƏN İŞDƏN GEDİRƏM!" Mənimlə işləyənlər bilir ki, həyatda 2-3 dəfə bu cür etmişəm. Uzun sözün qısası, icra başçısı ilə məsləhətləşmədən sonra xahiş etdilər ki, heç olmasa silah məsələsi efirə getməsin. Belə izah etdilər ki, icra başçısı silah gəzdirə bilər. Mənə vacib olan sakinlərin dadına çatmaq idi. Vəliyevi efirdə döymüşdüm rəsmən. Çox acıqlı idim, yazı da dəhşət aqressiv idi.

Həmçinin oxu: Tutulan icra başçısı pay torpaqlarını zorla alıb, həkimlərdən pul tələb edib - İDDİA

Vəliyev çoxdanın qaniçəni idi. Bunu da hamı bilirdi. Hamı!

P.S. Operator Namiq Həsənli idi, yazdığımı təsdiqləyə bilər".

Tutulan icra başçısı azğınlaşmışdı, qaniçən idi, silah gəzdirirdi - İDDİA, fotoşəkil-1

BakuCity.az

Neftçala icra başçısı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər