Nuru Paşanın Bakıdakı qərargahı və qaldığı ev - FOTO

Nuru Paşanın Bakıdakı qərargahı və qaldığı ev - FOTO

Nuru Paşa qərargah kimi Kərbəlayi Qasımın evini seçib

Müsəlman şərqində ilk demokratik respublika olan Azərbaycan Xalq Cümhuriyyətinin yaranması və tarixə düşməsində, Bakının Azərbaycanın paytaxtına çevrilməsində Nuru Paşa və Qafqaz İslam Ordusunun əvəzsiz xidmətləri olub.

BakuCity.az Azvision.az-a istinadən xəbər verir ki, 1918-ci ilin yay aylarında Nuru Paşanın komandanlığı altında Qafqaz İslam Ordusu Bakıya daxil olanda ordu Qobu kəndində qərargah qurub. Qafqaz İslam Ordusunun komandanı Nuru Paşa özünə qərargah kimi kənd sakini Kərbəlayi Qasımın evini seçib. Buna səbəb həmin evin kəndin ən yüksək hissəsində yerləşməsi olub.

"Buradan Xəzər dənizini izləmək mümkün idi. O zaman ingilislərə məxsus gəmilər Xəzərin sahillərində lövbər salmışdılar. Qafqaz İslam Ordusu qərargahdan bütun bu prosesləri diqqətlə izləyirdi. Nuru Paşa buranı qərargah kimi istifadə edib. Ordu indiki "Qurd qapısı" adlanan yerdən Bakıya daxil olub. Nəhayət, 1918-ci il sentyabrın 15-də Bakı bolşeviklərdən azad edilib", - deyə Qobu sakini Məmmədağa Orucəliyev bildirib.

Nuru Paşanın Bakıdakı qərargahı və qaldığı ev - FOTO, fotoşəkil-1

Kərbəlayi Qasım dövrünün ən imkanlı şəxslərindən biri olub. Qafqaz İslam Ordusu Bakıya gələndə Kərbəlayi Qasım tərəddüd etmədən evini onların istifadəsinə verib. O zamanlar kənd sakinləri türk qoşunlarını təmtəraqla qarşılayıblar.

Kərbəlayi Qasımın nəvəsi Tofiq Qasımov

Nuru Paşanın Bakıdakı qərargahı və qaldığı ev - FOTO, fotoşəkil-2

Yüz ildən çox yaşı olan tut ağacından Nuru Paşa və əsgərlərinin də tut yediyi deyilir

Nuru Paşanın və ordu rəhbərliyinin kənddə qaldığı ev

Nuru Paşanın silah anbarı

Türk əsgərlərin müalicə aldığı hospital

BakuCity.az

Nuru Paşa Qobu kəndi qərargah
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər