Moldovada "Xocalıya ədalət" şüarı altında yürüş - FOTO

Moldovada "Xocalıya ədalət" şüarı altında yürüş - FOTO

Xocalı faciəsinə aid məlumatlandırıcı bukletlər paylanılıb

Fevralın 25-də Moldovanın Kişinyov şəhərində Azərbaycan diasporunun nümayəndələri tərəfindən Xocalı soyqırımının 28-ci ildönümü ilə bağlı "Xocalıya ədalət" şüarı altında fleşmob keçirilib.

BakuCity.az xəbər verir ki, yürüşdə Moldovanın ayrı-ayrı şəhərlərindən soydaşlarımız iştirak ediblər.

Aksiya iştirakçıları əllərində Xocalı faciəsini əks etdirən plakatlar, Azərbaycanın bayraqları ilə Kişinyovun mərkəzi Ştefan Çel Mare küçəsindən Ermənistan səfirliyinə qədər yürüş ediblər. Yol boyu şəhər sakinlərinə iştirakçılar tərəfindən Xocalı faciəsinə aid məlumatlandırıcı bukletlər paylanılıb.

Daha sonra yürüş Moldovada BMT-nin və ATƏT-in ofislərinin önündə mitinqlə davam edib. İştirakçılar tərəfindən Xocalı faciəsini tanımaq tələbləri ilə bəyannamələr oxunub. 

Tədbir yerli KİV-də geniş işiqlandırılıb.

Fevralın 26-da Moldovanın Tarix Muzeyində Azərbaycanın bu ölkədəki səfirliyi və Moldova Azərbaycan Konqresinin təşkilatçılığı ilə Moldova hakimiyyət nümayəndələri, ictimai xadimlər, tarixçilər və siyasətçilərin iştirakı ilə Xocalı soyqırımına həsr olunmuş böyük konfrans keçiriləcək. 

Moldovada "Xocalıya ədalət" şüarı altında yürüş - FOTO, fotoşəkil-1 Moldovada "Xocalıya ədalət" şüarı altında yürüş - FOTO, fotoşəkil-2

BakuCity.az

Moldova Xocalı soyqırımı yürüş
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər