Bakıda məskunlaşan 30 məcburi köçkün ailəsi Füzuliyə yerləşdiriləcək

Bakıda məskunlaşan 30 məcburi köçkün ailəsi Füzuliyə yerləşdiriləcək

İşlər ilin sonuna kimi yekunlaşacaq

Abşeron ərazisində "Stansiya Sumqayıt" adlanan yerdə məcburi köçkünlər üçün yaşayış binalarının tikintisi davam edir.

BakuCity.az-ın Trend-ə istinadən verdiyi məlumata görə, bunu Qaçqınların və Məcburi Köçkünlərin işləri üzrə Dövlət Komitəsinin sədri Rövşən Rzayev jurnalistlərə açıqlamasında deyib.

Onun sözlərinə görə, işlərin ilin sonuna kimi yekunlaşdırılacağı gözlənilir:

"Cənab Prezident 7000-dən çox ailə üçün nəzərdə tutulmuş qəsəbənin salınması barədə göstəriş verib. Hazırda tikinti davam edir. Biz də maraqlıyıq ki, mənzillərin tikintisini vaxtında və keyfiyyətli şəkildə tamamlayaraq istifadəyə verək”.

Sədrin sözlərinə görə, işlərin hamısı mərhələli şəkildə olacaq:

“Məqsədimiz ilk növbədə ən ağır şəraitdə olan ailələrin köçürülməsinə nail olmaqdır. Bunlar hamısı mərhələli şəkildə olacaq".

R.Rzayev əlavə edib ki, Samuxda da yeni qəsəbənin salınması gözlənilir:

“Bir binamız Ağdamda 50 mənzildən ibarət olacaq. 45 ailəlik bina Lənkəranda, 30 fərdi ev isə Füzulinin işğaldan azad olunmuş ərazisində tikilir. Bu binaları tamamlayandan sonra Bakıda məskunlaşan 30 ailəni Füzuliyə, öz doğma kəndlərinə köçürəcəyik".

BakuCity.az

Məcburi köçkün ailələri Füzuli
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər