Avro-2020: Uelsin Bakıya gətirəcəyi təxmini “23-lük” bəllidir - SİYAHI

Avro-2020: Uelsin Bakıya gətirəcəyi təxmini “23-lük” bəllidir - SİYAHI

Giqqzin ümumi siyahısında 49 futbolçu yer alıb

Uels millisinin baş məşqçisi Rayan Giqqz Avropa çempionatına (Avro-2020) aparacağı təxmini heyəti seçib.

BakuCity.az Apasport.az-a istinadən məlumat verir ki, Britaniya mətbuatı 47 yaşlı mütəxəssisin hazırkı duruma əsasən “23-lüy”ü müəyyənləşdirdiyini yazıb.

R.Giqqzin ümumi siyahısında 49 futbolçu yer alıb ki, onlardan 23-ü indiki durumda qitə birinciliyinə əsas namizəddir. Həmin “23-lük” demək olar ki, üzdə olan futbolçulardan qurulub. Ancaq mövsümün son 3 ayında zədə və formadan düşmə durumuna uyğun olaraq onları əvəz edə biləcək 26 oyunçu var.

Uels yığmasının təxmini “23-lüy”ü:

Qapıçılar: Ueyn Hennesi, Denni Uord, Adam Deyvis

Müdafiəçilər: Konnor Roberts, Ben Deyvis, Kris Qanter, Neko Uilyams, Co Rodon, Kris Mefam, Tom Lokyer, Eşli Uilyams

Yarımmüdafiəçilər: Co Allen, Etan Ampadu, Uill Vaulks, Co Morrell, Aaron Remsi

Hücumçular: Qaret Beyl, Daniel Ceyms, Harri Uilson, Devid Bruks, Kiffer Mur, Hal Robson-Kanu, Kristian Dodj.

Qeyd edək ki, Uels yığması Avro-2020-də İtaliya, Türkiyə və İsveçrə ilə A qrupunda mübarizə aparacaq. Komanda italyanlarla Romada, digər iki rəqiblə isə Bakıda üz-üzə gələcək.

BakuCity.az

Avro-2020 Uels yığması Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər