AZAL Bakı-Almatı aviareysi üzrə uçuşlara başlayır

AZAL Bakı-Almatı aviareysi üzrə uçuşlara başlayır

Nur Sultan-Bak reysinin nə vaxt bərpa olunacağı məlum deyil

"Azərbaycan Hava Yolları" QSC (AZAL) Bakı-Almatı aviareysi üzrə uçuşlara başlayacaq.

BakuCity.az "APA-Economics"ə istinadən məlumat verir ki, AZAL martın 3-dən etibarən həftədə iki dəfə (II və VI günlər) Bakıdan Qazaxıstanın Almatı şəhərinə uçuşlar yerinə yetirəcək.

Bakıdan Almatıya aviareys saat 20:00-da həyata keçiriləcək.

Qeyd edək ki, Qazaxıstan martın 5-dən etibarən koronavirus infeksiyasının (COVID-19) yayıldığı ölkələrə uçuşların sayını azaldacaq. Belə ki, Almatı-Bakı və Aktau-Bakı istiqaməti üzrə uçuşlar həftədə bir dəfəyədək endiriləcək. Nur-Sultan-Bakı istiqamətində uçuşlar isə ləğv olunacaq. Martın 1-dən bu reyslərə bilet alan sərnişinlər biletləri aldıqları yerdə tam və heç bir pul tutulmadan qaytara bilərlər.

"Air Astana" aviaşirkətindən bildirilib ki, Nur Sultan-Bakı aviareysinin nə vaxt bərpa olunacağı hələ məlum deyil.

Xatırladaq ki, bundan öncə Qazaxıstanın "SCAT Airlines" şirkəti Aktaudan Bakıya hər gün, "Air Astana" aviaşirkəti isə Nur Sultan və Almatıdan Bakıya həftədə iki dəfə uçuşlar yerinə yetirirdi.

BakuCity.az

AZAL Bakı Almatı aviareys
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər