FHN Novruz bayramı ilə əlaqədar əhaliyə müraciət etdi - VİDEO

FHN Novruz bayramı ilə əlaqədar əhaliyə müraciət etdi - VİDEO

Novruz bayramı ilə əlaqədar yanğın təhlükəsizliyinə dair Fövqəladə Hallar Nazirliyinin əhaliyə müraciəti

Xalqımızın milli-mənəvi dəyərlərini özündə yaşadan Novruz bayramı zamanı hər birimizin arzusudur ki, bayram şənlikləri ən xoş duyğularla yaddaşlarımıza həkk olunsun.

BakuCity.az xəbər verir ki, bu barədə FHN-nin rəsmi saytında bildirilib.

Qeyd olunub ki, Novruz bayramı ilə əlaqədar keçirilən müxtəlif mərasimlərdə yanğın təhlükəsi ilə üzləşməmək üçün bir sıra təhlükəsizlik qaydalarına, o cümlədən yanğın təhlükəsizliyi ilə bağlı bütün tələblərə ciddi əməl olunmalıdır:

•bayram tonqalının ətrafına yığışan azyaşlılar mütləq böyüklərin nəzarətində olmalıdır;

•tonqal elektrik naqili, ağac, avtomobil, ev və digər yanar materiallardan kənarda yandırılmalıdır;

•tonqal tam sönənədək nəzarətdə saxlanılmalıdır;

•tonqal üzərindən atılarkən ehtiyatsızlıq geyimin alışmasına, bədənin xəsarət almasına səbəb ola bilər;

•yandırılan şamlar nəzarətsiz qalmamalıdır.

"Unutmayın: Qaydalara biganəlik - həyatımıza təhlükədir! Təhlükə zamanı 112-yə zəng edin"! deyə nazirllik əhaliyə xəbərdarlıq edib.

BakuCity.az

Bakı Novruz bayranı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər