İlham Əliyev 9 Mayda Moskvada olacaq - Zabitlərimiz Qızıl Meydanda parada çıxacaq

İlham Əliyev 9 Mayda Moskvada olacaq - Zabitlərimiz Qızıl Meydanda parada çıxacaq

Dövlətimizin başçısı Putindən dəvət alıb

Azərbaycan Prezidenti İlham Əliyev mayın 9-da Rusiya Federasiyasına səfər edəcək.

BakuCity.az xəbər verir ki, bu barədə ölkə başçısı Rusiya Federasiyasının Rostov vilayətinin qubernatoru Vasili Qolubevin başçılıq etdiyi nümayəndə heyətini qəbul edərkən deyib.

Prezident İlham Əliyev rusiyalı həmkarı Vladimir Putindən bununla bağlı dəvət aldığını bildirib:

“Mən hər il mayın 9-nu adətən Bakıda veteranlarla birgə keçirirəm. Lakin bu il Vladimir Vladimiroviç Putindən dəvət almışam və mayın 9-da Moskvada olmağı planlaşdırıram. Onu da demək istəyirəm ki, bizim ümumi Qələbəmiz şərəfinə Azərbaycan Ordusunun zabitləri Qızıl Meydanda paradda iştirak edəcəklər”. 

BakuCity.az

İlham Əliyev 9 May Moskva parad
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər