Bakıda uzunmüddətli dumanın SƏBƏBİ - FOTO

Bakıda uzunmüddətli dumanın SƏBƏBİ - FOTO

Adətən, dumanın yaranması inversiya ilə izah olunur

Bu gün səhər saatlarından başlayaraq Abşeron yarımadasında dumanlı hava şəraiti müşahidə olunur. Görünüş 700, bəzi yerlərdə 200 metrədək məhdudlaşıb. Nisbi rütubət 91 faiz civə sütunu olub.

Bu barədə BakuCity.az-a Ekologiya və Təbii Sərvətlər Nazirliyinin Milli Hidrometeorologiya Departamentindən bildirilib.

Qeyd olunub ki, duman az qradiyentli atmosfer təzyiqi sahəsində zəif cənub-şərq axınları ilə rütubətli hava kütlələrinin sahilyanı ərazilərə yayılması fonunda yaranıb. Bu meteoroloji hadisə hazırda nəinki Abşeron yarımadası, həm də Xəzərin şimal akvatoriyasını əhatə edir. Duman, adətən, səhər və gecə saatlarında su hövzələrinin üzərində və çökəkliklərdə yaranır. Bu meteoroloji hadisə nisbətən isti səthə enən soyuq hava kütlələri ilə əlaqədardır.

Qeyd edək ki, dünən havanın temperaturu iqlim normasını 5 dərəcəyədək aşaraq 17 dərəcə olub. Gecə saatlarında yer səthi tədricən soyuduğuna görə havanın aşağı qatlarının da soyumasına səbəb olub. Nəticədə nisbətən isti və soyuq hava kütlələrinin qarşılaşması dumanın yaranması üçün əlverişli şərait yaradır. Adətən, dumanın yaranması inversiya ilə izah olunur.

Bakıda uzunmüddətli dumanın SƏBƏBİ - FOTO, fotoşəkil-1 Bakıda uzunmüddətli dumanın SƏBƏBİ - FOTO, fotoşəkil-2 Bakıda uzunmüddətli dumanın SƏBƏBİ - FOTO, fotoşəkil-3 Bakıda uzunmüddətli dumanın SƏBƏBİ - FOTO, fotoşəkil-4

BakuCity.az

Bakı duman
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər