“Rəqəmli hüquq: fərdi məlumatların mühafizəsi” tədbiri keçirilib - FOTO

7 il öncə martın 5-də Elektron Təhlükəsizlik Xidməti fəaliyyətə başlayıb

II Beynəlxalq “Kibertəhlükəsizlik həftəsi” çərçivəsində Nəqliyyat, Rabitə və Yüksək Texnologiyalar Nazirliyinin təşkilatçılığı, sahə üzrə yerli və beynəlxalq təşkilatların, eləcə də müvafiq sahədə lisenziya almış şirkətlərin tərəfdaşlığı ilə “Rəqəmli hüquq: fərdi məlumatların mühafizəsi” tədbiri keçirilib. 

Nazirlikdən BakuCity.az-a verilən məlumata görə, əsas məqsəd fərdi məlumatların mülkiyyətçisi və operatoru kateqoriyalarını təmsil edən şəxslərlə əməkdaşlığın gücləndirilməsi, onların maarifləndirilməsi və beynəlxalq təcrübədən yararlanmaqla, ölkə səviyyəsində fərdi məlumatların mühafizə səviyyəsinin yüksəldilməsidir.

Tədbirdə dövlət qurumları, qeyri-hökumət təşkilatları, bank sektoru, beynəlxalq təşkilatlar və nümayəndəliklər, internet xidməti provayderləri, mobil operatorlar, təhsil müəssisələri, sığorta şirkətləri, səhiyyə müəssisələri və digər təşkilatların fərdi məlumatların mühafizəsi üzrə məsul şəxsləri, eləcə də Avropa Şurasının, Moldova, İsrail və s. ölkələrin ekspertləri iştirak ediblər.

Tədbiri giriş sözü ilə açan Nəqliyyat, Rabitə və Yüksək Texnologiyalar nazirinin müavini Elmir Vəlizadə fərdi məlumatların mühafizəsi məsələsinin müasir dövrdə xüsusi əhəmiyyət kəsb etdiyini diqqətə çatdırıb. “Fərdi məlumatlar bilavasitə kibertəqiblərin tərkib hissəsi sayılır, yəni həyata keçirilən hücumlar daha çox fərdi və digər potensial məlumatların əldə edilməsinə yönəldilir” –  deyə nazir müavini bildirib. 

E.Vəlizadə Avropada fərdi məlumatların mühafizəsi üzrə qanunvericiliyin 1981-ci ildən həyata keçirilməyə başlandığını qeyd edib. Fərdi məlumatların mühafizəsinin tələblərinə ciddi riayət edilməsini önə çəkərək ölkəmizdə qəbul olunmuş “Fərdi məlumatlar haqqında qanun”un təkmilləşdirilməsi üzərində işlərin aparıldığını, yeni qanun layihəsinin işləndiyini diqqətə çatdırıb. 

Avropa İttifaqının Azərbaycandakı nümayəndəliyinin rəhbəri Kestutis Yankauskas fərdi məlumatlar sahəsində normativ-hüquqi tənzimləmə, aktual və praktiki problemlərdən söz açaraq fərdi məlumatların etibarlı mühafizəsi üçün kompüter, mobil telefon şifrlərinin düzgün seçilməsinin önəmindən danışıb. K.Yankauskas kiberməkanda qaydaların təkmilləşdirilməsi, kibertəhlükəsizlik sahəsində məlumatların, o cümlədən qanunun aliliyinin qorunub saxlanması və s. məsələlərin həllinin Avropa İttifaqının fəaliyyətində prioritet istiqamətlərdən olduğunu nəzərə çatdırıb. O, “Şərq Tərəfdaşlığı” ölkələri, o cümlədən Azərbaycanla bu  istiqamətdə görülən  tədbirlərin əhəmiyyətini qeyd edərək, ölkəmizdə həyata keçirilən işləri dəstəklədiklərini bildirib.        

Tədbirdə çıxış edən Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidmətinin rəisi Faiq Fərmanov 7 il öncə martın 5-də Elektron Təhlükəsizlik Xidmətinin fəaliyyətə başladığını qeyd edib. F.Fərmanov bildirib ki, informasiya və kommunikasiya texnologiyalarının inkişafı fərdi məlumatların genişlənməsinə səbəb olur ki, bu da nəticə etibarilə yeni baxışların formalaşmasını tələb edir. O, bu sahədə maarifləndirmənin böyük önəm kəsb etdiyini vurğulayıb.

Daha sonra Avropa Şurası, Məlumatların mühafizəsi üzrə qrupun məsləhətçisi Peter Kimpian  “Konvensiya 108: Qlobal Məlumat Təhlükəsizliyi Standartı” adlı məruzə ilə çıxış edib. P.Kimpian Avropa Şurası tərəfindən bu məsələlərin tənzimlənməsi istiqamətində görülən işlərdən danışıb.  

“Prosol” QSC-nin Baş texniki direktoru, fərdi məlumatların mühafizəsi üzrə ekspert Kapelushnik Nir məruzə ilə çıxış edib. O bildirib ki, qanun və qaydaların tətbiqi, hökumət tərəfindən maarifləndirmə, fərdi məlumatların mühafizəsində mövcud problemlərin qarşısını almaq üçün qabaqlayıcı tədbirlərin görülməsi çox önəmlidir. 

Fərdi məlumatların mühafizəsi hüququ üzrə mütəxəssis Olga Demian “Fərdi məlumatların subyektinin hüquqları, onların tətbiqi və qorunmasının xüsusiyyətləri”, İnformasiya texnologiyaları üzrə auditor İlqar Əliyev “Fərdi məlumatlar üzrə hüquqlarımız və məsuliyyətimiz”, “AİSTGroup” MMC-nin layihə rəhbəri Babək Əliyev “Fərdi məlumatlardan istifadənin təşkili”, “Ernst & Young” şirkətinin Azərbaycandakı nümayəndəliyinin eksperti  “Ernst & Young” şirkətinin fərdi məlumatların məxfiliyi ilə bağlı yanaşması və “GDPR”-a doğru atılacaq addımlar” adlı məruzə ilə çıxış edib.

BakuCity.az

rəqəmli hüquq fərdi məlumatlar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Böhran olacaq. “Microsoft”un banisi Bill Qeyts nəticələri koronavirus pandemiyasının ziyanını üstələyəcək ekoloji böhrandan xəbər verib. BakuCity.az xəbər verir ki, Bill Qeyts ən yaxın bir neçə onillikdə planetin iqlim dəyişikliyinin səbəb olacağı qlobal böhranla qarşılaşacağını proqnozlaşdırır. “Microsoft”un banisi koronavirus pandemiyası ilə ekoloji böhranın nəticələrini müqayisə edib. İnfeksiyadan ölüm sayı orta hesabla hər 100 000 əhaliyə 14 nəfər təşk...
Cəmiyyət
Nazirlər Kabinetinin bir sıra yeni gömrük qaydaları. Azərbaycanda şəxsi istifadə üçün malların rüsumsuz idxalı ilə bağlı yeni qaydalar sentyabrın 21-dən qüvvəyə minəcək. BakuCity.az xəbər verir ki, bu qərarı Baş nazir Əli Əsədov imzalayıb. Belə ki, Nazirlər Kabinetinin qərarına əsasən, indi sərhəddən bir vətəndaş özü ilə rüsum ödəmədən cəmi 800 ABŞ dolları dəyərində mal keçirə bilər. Bu limit indiyə qədər 1500 dollar olub. Eyni qərar onlayn sifarişlərə də...
Cəmiyyət
Gəncədə 46 saylı orta məktəb bağlanıb. BakuCity.az xəbər verir ki, Nazirlər Kabinetinin müvafiq əmri ilə məktəbin fəaliyyətinə xitam verilib. Beləliklə, 46 saylı orta məktəbin müəllimlərinin və 154 şagirdinin bir qismi bu ərazidə inşa olunan 1170 yerlik 28 nömrəli məktəbə köçürülüb. Ərazidə sosial evlərin tikiləcəyi də nəzərdə tutulub. Müəllimlərin qalan hissəsi Gəncədəki digər orta məktəblərdə işlə təmin olunub. (konkret.az) BakuCity.az
Hadisələr
Bakının Nizami küçəsi ev 91 (“Torgovaya”) ünvanındakı yaşayış binasında uçqun baş verib. BakuCity.az xəbər verir ki, bu barədə modern.az-a sakinlər məlumat veriblər. Məlumata görə, 10 mərtəbəli binada damın bir hissəsi çöküb və dağıntı qalıqları mənzillərdən birinin içinə tökülüb. “Hadisə nəticəsində binanın damında böyük bir deşik əmələ gəlib, ciddi təhlükə yaranıb. Mərtəbəarası döşəmə və örtüklər taxtadandir. İndiki vəziyyətdə Allahın ümidinə qalmışıq. Q...
Cəmiyyət
Peyvəndlə bağlı sınaqlar üçüncü mərhələsindədir. Hazırda dünyada COVİD-19 infeksiyası ilə əlaqədar 8 peyvəndlə bağlı sınaqlar klinik yoxlamaların sonuncu, üçüncü mərhələsindədir və insanlar üzərində testdən keçirilir. BakuCity.az xəbər verir ki, bu barədə Ümumdünya Səhiyyə Təşkilatı (ÜST) məlumat yayıb. ÜST bir peyvəndlə bağlı isə üçüncü mərhələdə sınaqların aparılmasına icazə verib. ÜST üçüncü mərhələ sınağı aparılan peyvəndlərdən 5-nin təcili istifadəsin...
Cəmiyyət
Azərbaycanda toyların formatı dəyişməlidir? "Azərbaycanda toyların formatı dəyişməlidir. Artıq həmişəlik bu qaydalar qəbul olunmalıdır. Əvvəlki dövrlərdə olduğu kimi 300-400, hətta 1000 nəfərlik toy mərasimlərinin keçirilməsi düzgün deyil". BakuCity.az xəbər verir ki, bu barədə Milli Məclisin Əmək və Sosial Siyasət komitəsinin sədri Musa Quliyev danışıb. Deputat bildirib ki, eyni zamanda ölkədə toyların formatı da nisbətən sadə bir tərtibə keçməlidir: "Sad...
Hadisələr
Bakının Səbail rayonunda iki avtomobil toqquşub. BakuCity.az xəbər verir ki, hadisə Bakı-Salyan şossesinin üçüncü kilometrliyində qeydə alınıb. “Kia” markalı avtomobil hərəkətdə olan zaman “Lada Priora” markalı nəqliyyat vasitəsi qəfil onun qarşısına çıxıb. Qəza nəticəsində hər iki avtomobilin sürücüləri müxtəlif bədən xəsarətləri alıb. (APA TV) BakuCity.az
Cəmiyyət
Karantin qaydalarına riayət etməyən sərnişinlər var. "Bakı metrosundan istifadə edən sərnişinlərin karantin qaydalarına əməl etmələri xahiş olunur. Əks təqdirdə bu, metronun fəaliyyətinin yenidən bağlanmasına şərait yarada bilər". BakuCity.az xəbər verir ki, bunu "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib. B.Məmmədov deyib ki, metropolitenin bütün stansiyalarında karantin qaydalarına riayət edən və etməyən sərnişinlə...
Siyasət
Donald Tramp Amerikanın ən güclü silaha sahib olduğunu deyib. Amerika Birləşmiş Ştatları Prezidenti Donald Tramp bir daha ölkəsinin həm Rusiya, həm də Çinin həsəd aparacağı ən güclü silaha sahib olduğunu deyib. BakuCity.az xəbər verir ki, Ağ Evin rəhbəri seçkiqabağı mitinqdə çıxışı zamanı bu silahın bəşər tarixində ən böyük silah olduğunu bildirib. Trampın dediyinə görə, ordunu canlandırmağa və heç kimin ağlına belə gətirməyəcək səviyyəyə qaldırmağa müvəff...