Bakının məşhur körpüsü sökülür

Bakının məşhur körpüsü sökülür

Avtobusların hərəkət sxemi də dəyişdirilib

Bakının 28 May küçəsindəki dəmiryol körpüsü bu gün sökülür.

BakuCity.az xəbər verir ki, bu körpüdən əvvəllər dəmiryol xətti keçib. Hazırda fəaliyyət göstərməyən körpünün ərazidə yerləşməsi heç bir əhəmiyyət daşımır. Əksinə, sürücülərin və sərnişinlərin hərəkətinə maneə yaradır. Hərəkətə maneə yaradan əsas səbəb isə körpünün dayağının yolun hərəkət zolağının üzərinə düşməsidir.

Söküntü işlərinin martın 9-u axşam saatlarına qədər aparılması nəzərdə tutulub.

Körpünün sökülməsi ilə əlaqədar sözügedən küçənin Yusif Səfərov və Kövkəb Səfərəliyeva küçələri arasında yerləşən hissəsi ilə hərəkət məhdudlaşdırıldığından bəzi müntəzəm marşrut xətləri üzrə avtobusların hərəkət sxemi də dəyişdirilib. Belə ki, 1, 2, 4, 21, 30, 32, 46, 49 və 175 nömrəli marşrutların hərəkət istiqamətləri müvəqqəti dəyişdirilərək alternativ küçələrdən, yəni Üzeyir Hacıbəyov, Kövkəb Səfərəliyeva və Puşkin küçələri ilə təşkil ediləcək.

BakuCity.az

Bakı dəmiryol körpü
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər