“Mirvari” gəmisində də dezinfeksiya işləri görüldü - FOTO

 “Mirvari” gəmisində də dezinfeksiya işləri görüldü - FOTO

Gəmi gündə 6-7 səfər edir

Koronavirus infeksiyasının Azərbaycanda yarada biləcəyi təhlükənin qarşısının alınması məqsədilə görülən qabaqlayıcı tədbirlər çərçivəsində martın 9-da Dövlət Dəniz Agentliyinin inzibati binasında, agentliyin Dəniz Üzgüçülüyünün Təhlükəsizliyi Mərkəzinin, Nəqliyyat və Texniki-Təminat İdarəsinin inzibati binasında dezinfeksiya işləri həyata keçirilib.

Dövlət Dəniz Agentliyinin Mətbuat xidmətinin rəhbəri Tural Müseyibov BakuCity.az-a görülən işlərdən danışıb. Bildirib ki, agentlikdə sanitar-gigiyenik vəziyyət nəzarətdə saxlanılır, əməkdaşlar arasında bu istiqamətdə mütəmadi olaraq profilaktik söhbətlər edilir, maarifləndirmə işləri görülür.

Həmçinin Dövlət Dəniz Agentliyinin nümayəndələrinin iştirakı ilə Dənizkənarı Bulvar İdarəsinin “Mirvari” gəzinti gəmisində də dezinfeksiya işləri həyata keçirilib. Gəmi heyətinə sanitar-gigiyenik vəziyyəti nəzarətdə saxlamaqla bağlı lazımi tövsiyələr verilib.

Qeyd edək ki, Dənizkənarı Milli Parkda xidmət göstərən “Mirvari” gəzinti gəmisinin sərnişin tutumu 446 nəfərdir. Dəniz gəzintilərində tələbata uyğun olaraq əsasən “Mirvari” gəmisindən istifadə olunur. Gəmi orta hesabla gündə 6-7 səfər edir. Tələbatdan asılı olaraq gün ərzində gəzintilərdə ən az 5, ən çox isə 11-12 səfərə qədər artım olur.

 “Mirvari” gəmisində də dezinfeksiya işləri görüldü - FOTO, fotoşəkil-1  “Mirvari” gəmisində də dezinfeksiya işləri görüldü - FOTO, fotoşəkil-2  “Mirvari” gəmisində də dezinfeksiya işləri görüldü - FOTO, fotoşəkil-3  “Mirvari” gəmisində də dezinfeksiya işləri görüldü - FOTO, fotoşəkil-4

BakuCity.az

“Mirvari” gəmisi dezinfeksiya koronavirus
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər