İtaliyalı gimnastlar Bakıya xüsusi razılıq əsasında gələcəklər

İtaliyalı gimnastlar Bakıya xüsusi razılıq əsasında gələcəklər

Turnir Milli Gimnastika Arenasında keçiriləcək

Bakıda keçiriləcək idman gimnastikası üzrə FIG Dünya Kubokunda İtaliyanın iki təmsilçisi çıxış edəcək.

BakuCity.az-ın məlumatına görə, "Report" "Sportface" nəşrinə istinadən xəbər verir ki, Vanessa Ferrari və Lara Mori koronavirusa görə İtaliya hökümətinin məhdudiyyətlərinə baxmayaraq, Azərbaycandakı yarışa qatılacaqlar.

Hər iki gimnast İtaliya Milli Olimpiya Komitəsinin imzaladığı xüsusi razılıq əsasında Dünya Kubokunun üçüncü mərhələsində mübarizə aparacaq. Bakıdakı yarışın Tokio-2020 Yay Olimpiya Oyunlarına lisenziya xarakteri daşıması səbəbindən belə bir addım atılıb.

Qeyd edək ki, Dünya Kuboku turniri 12-15 martda Milli Gimnastika Arenasında keçiriləcək. Vanessa Ferrari 1 dəfə dünya, 4 dəfə isə Avropa çempionu olub. La Mori isə ötən il İtaliyanın Neapol şəhərində təşkil olunmuş Universiadada gümüş və bürünc medal qazanıb.

BakuCity.az

İtaliyalı gimnastlar Bakı Dünya Kuboku
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər