"Lider" TV-nin yayımı niyə dayandırılıb? - RƏSMİ CAVAB

"Lider" TV-nin yayımı niyə dayandırılıb? - RƏSMİ CAVAB

Problemin nə olduğu məlum oldu

Milli Televiziya və Radio Şurası (MTRŞ) "Lider" televiziya kanalının yayımının dayandırılmasına münasibət bildirib.

BakuCity.az-ın məlumatına görə, MTRŞ-nin Aparat rəhbəri Asəf Hacıyev "Report"a bildirib ki, televiziya daxili texniki problemlər səbəbindən yayımını dayandırıb:

"Biz dünən axşam və bu gün səhər "Lider" televiziyası ilə əlaqə saxlamışıq. Problemin nə olduğunu öyrənmişik. Televiziya dünən axşamdan indiyə qədər texniki nasazlıq səbəbindən yayımını dayandırıb. Texniki problemlər aradan qaldırılandan sonra televiziya yayımını davam etdirəcək".

Qeyd edək ki, martın 10-u saat 22:01-də efirə gedən “Gecənin sehri” verilişi başlayandan sonra "Lider" TV-nin yayımı kəsilib. Hazırda telekanalın yayımı işlək deyil.

Xatırladaq ki, "Lider" TV 2000-ci ildən fəaliyyət göstərir.

BakuCity.az

"Lider" TV yayım
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər