Azər Nəsibov: “Avroviziya”da məhz Azərbaycanı təmsil etmək istəyirəm” - FOTO + VİDEO

Azər Nəsibov: “Avroviziya”da məhz Azərbaycanı təmsil etmək istəyirəm” - FOTO + VİDEO

Rusiyanın Azərbaycan əsilli tanınmış müğənnisi Azər Nəsibovun BakuCity.az-a müsahibəsi

19 yaşlı ulduz 2016-cı ildə Birinci kanalın “Səs. Uşaqlar” vokal layihəsinin iştirakçısı olanda parlamağa başladı. Bu gün gənc azərbaycanlı Rusiyada karyerasını SEAZ yaradıcı təxəllüsü ilə uğurla davam etdirir.

Azərin yeni uğuru “Warner Music”in lisenziyası ilə “ACE Music”in leyblı altında çıxan “Unutma” (“Не забывай”) kompozisiyası oldu. Qeyd edək ki, video çox sayda baxış və müsbət şərhlər toplayır.

BakuCity.az-la söhbətində Azər Nəsibov Rusiyanın tanınmış leyblı ilə əməkdaşlığından, yaradıcılıq planlarından danışdı.

- Necə oldu ki, “ACE Music” şirkəti sizinlə maraqlandı və müqavilə təklif etdi?

- Hər şey gözlənilməz, maraqlı oldu. Studiyada yeni sinqlın səsyazmasını bitirirdim ki, bu məqamda “ACE Music”in nümayəndəsi studiyaya gəldi. Mahnını eşitdi və mənim işimlə maraqlandı. Bu mənim üçün tamamilə gözlənilməz idi, düşündüm ki, belə möcüzə olmur (gülür).

- Belə bir möhtəşəm uğurdan sonra yəqin ki, yeni layihə hazırlamaq istədiniz. Hazırda hansı layihə üzərində çalışırsınız?

- “Unutma” kompozisiyası çıxandan və belə populyar olandan sonra, əlbəttə, daha bir layihəyə başlamaq, yaradıcılığımı davam etdirmək istəyirəm. Hazırda planımda bu mahnıya lirik-video çəkmək var. Bundan başqa, fortepianonun müşayiəti ilə Life-ifa etmək istəyirəm.

Lakin ən əsası odur ki, “Bağışla məni” (“Прости меня”) adlanacaq yeni mahnı üzərində işləri praktiki olaraq başa çatdırmışam. Musiqisi və sözləri mənə məxsusdur. Çox ümid edirəm ki, yeni kompozisiya da dinləyicilərini tapacaq. Mən böyük səylə işləmişəm, buna görə də çox həyəcanlıyam, çünki bu, ilk kompozisiyadır ki, üzərində yalnız özüm işləmişəm.

Azər Nəsibov: “Avroviziya”da məhz Azərbaycanı təmsil etmək istəyirəm” - FOTO + VİDEO, fotoşəkil-1 Azər Nəsibov: “Avroviziya”da məhz Azərbaycanı təmsil etmək istəyirəm” - FOTO + VİDEO, fotoşəkil-2 Azər Nəsibov: “Avroviziya”da məhz Azərbaycanı təmsil etmək istəyirəm” - FOTO + VİDEO, fotoşəkil-3

- Gənc olmağınıza rəğmən artıq bu sahədə yüksəlmisiniz. Qərb səhnəsini də fəth etmək, hətta “Avroviziya” beynəxalq mahnı müsabiqəsində iştirak etmək kimi bir məqsədiniz varmı?

- Əlbəttə! Mən “Avroviziya” müsabiqəsi kimi meydanlarda məhz Azərbaycanı təmsil etməyi son dərəcədə arzulayıram. Qeyd etmək istərdim ki, bununla bağlı çalışıram: bu il kastinqə düşmək barədə, bunun üçün nə etmək lazım olduğunu daha çox öyrənməyə çalışdım.

Bunun üçün məndə bütün zəruri resurslar var: mənim üçün ən birinci mahnı olan “The Dream”ı yazan gözəl insan – dostum Sima Kats. Yeri gəlmişkən, onun anası Maşa Kats “Avroviziya”da çıxış edib. O, müsabiqədə Rusiyanı təmsil edən ilk iştirakçı olub. Sima mənə “Avroviziya” üçün mahnı yazmağa həmişə hazır olduğunu deyir (gülür).

Təəssüf ki, hələ bütün detalları axıra qədər öyrənməmişəm – Azərbaycanda kastinq necə təşkil olunur və ora necə düşmək olar? Lakin əminəm ki, gələcəkdə bu yarışda məhz Azərbaycanı mütləq təmsil edəcəm. Bu, mənim əsas hədəflərimdən biridir.

- Hansı musiqiyə qulaq asmağa üstünlük verirsiniz? Mümkünsə, sevimli müğənni və musiqiçilərin adlarını çəkərdiniz.

- Əslində mənim üçün fərqi yoxdur. Bütün musiqilərə qulaq asıram: popdan tutmuş cazadək. Hətta launc kimi mürəkkəb istiqamətləri dinləyirəm. Mənim üçün bütün musiqilər gözəldir!

Mən özüm də bir vaxtlar pop-roka yönəlmişdim. Bu janr mənə çox xoş təsir bağışlayır, lakin indi pop musiqisində çalışıram və ümid edirəm ki, məndə bu janrda hər şey alınacaq. Amma gələcəkdə janrları qarışdırmağı planlaşdırıram, nəsə fərqli bir şey etmək istəyirəm, çünki bir istiqaməti götürmək istəmirəm. Mən hər şeyi sınaqdan keçirmək istəyirəm.

Azər Nəsibov: “Avroviziya”da məhz Azərbaycanı təmsil etmək istəyirəm” - FOTO + VİDEO, fotoşəkil-4 Azər Nəsibov: “Avroviziya”da məhz Azərbaycanı təmsil etmək istəyirəm” - FOTO + VİDEO, fotoşəkil-5 Azər Nəsibov: “Avroviziya”da məhz Azərbaycanı təmsil etmək istəyirəm” - FOTO + VİDEO, fotoşəkil-6

Xarici ifaçılardan Bruno Mars, Zeyn Malik, Ariana Qrande, Kristina Aqilera və bir çoxlarını bəyənirəm. Zeyn və Ariananın yaradıcılığını çox sevirəm.

Öz müğənnilərimizdən dostum olan həmkarları dinləyirəm. Konkret olaraq kiminsə adını çəkmək, kimisə ayırmaq düz olmazdı. Mənim çoxlu belə dostum var – Rauf, Faiq, Coni. Onların hamısını sevirəm (gülür).

Züleyxa İsmayılova

BakuCity.az

Azər Nəsibov müsahibə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər