Azərbaycana yeni "Lada"lar gətirilir - QİYMƏTLƏR

Azərbaycana yeni "Lada"lar gətirilir - QİYMƏTLƏR

Digər brendin maşını olsaydı, 35 min manatdan aşağı olmazdı

“Koronavirus Rusiyanın "Lada" avtomobillərinin Azərbaycanda satışına təsir edib”.

BakuCity.az-ın məlumatına görə, bunu şirkətin baş meneceri Zakir Bəşirov FED.az-a deyib.

Baş menecer ölkəyə gətirdikləri yeni avtomobillər haqqında da məlumat verib:

“Yeni “Lada X-Ray” avtomat sürət qutusu olan avtomobilləri gətirmişik. Bu maşının cipə oxşayan modelinin qiyməti 27 100 manatdır. “Lada Vesta SW Cross” avtomat sürət qutusu olan avtomobillər də yoldadır. Rəsmiləşdirmə olandan sonra qiyməti dəqiq bilinəcək. Ən sadə modellərin qiyməti 22 min manatdan başlayır. Rusiyada rublun məzənnəsi düşüb, bu da maşınların qiymətində 1% artıma səbəb olur”.

Z.Bəşirovun sözlərinə görə, şirkət avtomobil satdığı müştərilərlə mütəmadi əlaqə saxlayır:

“Bu əlaqə bizə gətirdiyimiz avtomobillərin mənfi və müsbət xüsusiyyətlərini müştəriləridən öyrənməyə imkan verir. Fransa istehsalı olan “Nissan” avtomat sürət qutusu olan avtomobillər “Reno” motorlarıdır. Artıq bunların bir neçəsini satmışıq. Müştərilər razılıq edirlər. Aralarında bir nəfər də olsun narazı qalan olmadı. Komplektasiyada elə xırdalıqlar var ki, digər brendin maşını olsaydı, 35 min manatdan aşağı olmazdı.

“Lada X-Ray Cross” modeli “KIA Sportage”in rəqibidir. Motor gücü əvvəlki kimidir, çox ekonomik maşınlardır. Rusiya istehsallı maşınlar arasında benzin istifadəsinə görə həmişə “Piriora”nın adını çəkirlər. Belə demək mümkünsə, bu maşın benzini iyləyir, işlətmir. “Lada X-Ray Cross” modeli “Priora”dan 1 litir artıq benzin işlədir. Avtomat sürət qutusuna malik maşınlar yoldan asılı olaraq adətən 1-1,5 litir benzində fərq edir. Tam komplektasiya 27 100 manatdır. “Lada Vesta SW Cross” modelini bazara salmaq istəyirik. Yolda olmasına baxmayaraq, artıq bu modelin 10 nəfərə qədər sifarişçisi var. Rusiyada bu avtomobillər dekabr ayından satışa çıxarılıb. Bizim sifarişçilər də Rusiyadan məlumatlı olan şəxslərdir”.

BakuCity.az

"Lada" avtomobil qiymət
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər