Bakı-Tbilisi qatarlarının hərəkətinə də məhdudiyyət qoyuldu

Bakı-Tbilisi qatarlarının hərəkətinə də məhdudiyyət qoyuldu

Sərhəd 10 günlük bağlanıb

Bakı-Tbilisi istiqamətində Azərbaycan vətəndaşları, Tbilisi-Bakı istiqamətində isə əcnəbi vətəndaşların qatarla səfərlərinə müvəqqəti məhdudiyyət tətbiq edilib.

"Azərbaycan Dəmir Yolları" QSC-dən BakuCity.az-a verilən məlumata görə, alınmış biletlər üçün ödənilən məbləğ qurum tərəfindən bilet sahiblərinə geri qaytarılacaq.

Qeyd edək ki, Nazirlər Kabinetinin məlumatına əsasən, hər iki ölkənin vətəndaşlarının təhlükəsizliyinin təmin edilməsi və sağlamlığının qorunması məqsədilə 2020-ci il 14 mart saat 00:00-dan etibarən on günlük müddətə Azərbaycan və Gürcüstan arasında dövlət sərhədinin bütün nəqliyyat vasitələri üçün müvəqqəti bağlanması barədə qərar qəbul edilib.

Azərbaycan ərazisində olan Gürcüstan vətəndaşlarının ölkədən çıxması, Gürcüstan ərazisində olan Azərbaycan vətəndaşlarının ölkəyə gəlməsini təşkil etmək üçün zəruri dəhliz təmin olunacaq. Eyni zamanda, yükdaşımalarının həyata keçirilməsi üçün tranzit dəhlizi də fəaliyyət göstərəcək.

BakuCity.az

Bakı-Tbilisi qatarlar məhdudiyyət
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər