Azərbaycan vətəndaşlarının Gürcüstan sərhədindən keçidinə icazə verildi

Azərbaycan vətəndaşlarının Gürcüstan sərhədindən keçidinə icazə verildi

DANX Gürcüstanda qalan Azərbaycan vətəndaşları ilə bağlı məlumat yaydı

Martın 15-i koronavirus epidemiyasına qarşı təxirəsalınmaz tədbirlər çərçivəsində Türkiyə ilə Gürcüstan arasında "Sarp" sərhəd keçid məntəqəsinin Türkiyə vaxtı ilə 17:00-da bağlanmasına dair verilən qərarın nəticəsi olaraq İstanbul-Bakı müntəzəm marşrut xətləri üzrə avtobusların girişi sərhəddə məhdudlaşdırılıb.

Bu barədə BakuCity.az-a Nəqliyyat, Rabitə və Yüksək Texnologiyalar Nazirliyi (NRYTN) yanında Dövlət Avtomobil Nəqliyyatı Xidmətinin İctimaiyyətlə əlaqələr sektorunun müdiri Nuridə Allahyarova bildirib.

Onun sözlərinə görə, "VARDAR" və "METRO" daşıyıcı şirkətlərinə məxsus 99 JH 866 və 34 EK 7002 dövlət nömrə nişanlı avtobusların Gürcüstan sərhədindən tranzit keçidinə icazə müəyyən təhlükəsizlik tədbirləri səbəbindən bu gün verilib:

“Türkiyəyə məxsus "METRO" daşıyıcı şirkətinin avtobusuna sərhəddən tranzit keçid icazəsi verilmədiyi üçün həmin avtobusda olan sərnişinlər Gürcüstanın İqtisadiyyat və Davamlı İnkişaf Nazirliyinin Yerüstü Nəqliyyat Agentliyi tərəfindən xüsusi avtobusla təmin edilib. Sərnişinlər Gürcüstanın Lançxuti şəhərində SOCAR-a məxsus yanacaqdoldurma məntəqəsində istirahət edə biləcək, su və zəruri qida ilə təmin olunacaqlar".

O əlavə edib ki, Nazirlər Kabineti yanında Operativ Qərargahın tələblərinə müvafiq şəkildə təhlükəsizlik tədbirləri çərçivəsində ümumi prosedur qaydalarından sonra sərnişinlərimizin dövlət sərhədindən buraxılış məntəqələrinə keçidinə icazə veriləcək:

“Sərnişinlərimizdən və onların yaxınlarından mövcud durumda təşvişə yol vermədən 012 566 52 58 nömrəli "qaynar xət"lə əlaqə saxlamaları tövsiyə edilir”.

BakuCity.az

Azərbaycan vətəndaşları Gürcüstan sərhədi icazə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər