Bakıda üç qadın kişini döyüb ikinci mərtəbədən atdı

Bakıda üç qadın kişini döyüb ikinci mərtəbədən atdı

Mübahisə dava ilə nəticələnib

Bakıda qonşular arasında dava baş verib.

BakuCity.az “Report”a istinadən xəbər verir ki, hadisə Nəsimi rayonunun “Kubinka” deyilən ərazisində qeydə alınıb.

Davada 1987-ci il təvəllüdlü Rəhmanov Əlibala Azad oğlu və onun xalası oğlu ağır bədən xəsarətləri alıblar.

Belə ki, yaşadığı mənzil plana düşdüyü üçün əşyalarını götürməyə gələn şəxslərlə qonşular arasında mübahisə düşüb. Sonda mübahisə dava ilə nəticələnib.

Üçü qadın olmaqla dörd nəfər Ə.Rəhmanovun baş nahiyəsinə üzərində mismarlar olan taxta parçası ilə zərbələr endiriblər və sonra onu ikinci mərtəbədən yerə atıblar.

Yaralı təcili tibbi yardım briqadasının köməyi ilə xəstəxanaya çatdırılıb.

Müayinədən sonra ona başının kəsilmiş yarası və qapalı kəllə-beyin travması diaqnozu qoyulub, reanimasiya şöbəsinə yerləşdirilib.

Onun vəziyyəti ağır qiymətləndirilir. Faktla bağlı araşdırma aparılır.

BakuCity.az

Bakı qonşular dava
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər