Cəlal İsayev: “Koronavirus bəzən heç bir əlamət olmadan da keçir”

Cəlal İsayev: “Koronavirus bəzən heç bir əlamət olmadan da keçir”

“Koronavirus xəstəliyi özünü fərqli simptomlarla büruzə verir. Bəzən bu xəstəlik insanda heç bir əlamət olmadan da keçə bilər”.

BakuCity.azxəbər verir ki, bunu Respublikanın baş infeksionisti, ATU-nun Yoluxucu xəstəliklər kafedrasının dosenti Cəlal İsayev Baku TV-nin efirində Azərbaycanda koronavirus infeksiyası ilə bağlı mövcud vəziyyətdən danışarkən deyib.

O bildirib ki, insanlar maksimum dərəcədə ehtiyatlı olmalı, yalnız yüksək hərarəti əsas götürməməlidir: “Xəstəliyin simptomları müxtəlif ola bilir - koronavirusa xas olan kliniki simptomlar arasında hərarətin yüksəlməsi (37,5 - 38 və daha yüksək), boğazda qıcıqlanmaların olması, asqırma, öskürək, tənəffüs çətinliyi və digər zökəm əlamətlərini saymaq olar".

İnfeksionistin sözlərinə görə, bəzən bir qrup insanlarda, orqanizmdən asılı olaraq, qusma, ishal ilə də müşahidə edilə bilər: "Bu əlamətlər meydana çıxarsa, mütləq təcili yardıma müraciət etmək lazımdır. Zərurət olarsa, test və xəstəxana şəraitində müalicə tətbiq olunsun. Bu vəziyyətdə yalnız mütəxəssislər qərar verə bilər.

Koronavirus özünü fərqli simptomlarla büruzə verir. Bəzən sadalanan əlamətlərdən yalnız biri olur, bəzən isə insanda heç bir əlamət olmadan keçə bilir. Orqanizmdən asılı olaraq, xəstəlik yüngül və ağır şəkildə irəliləyir. Bu səbəbdən, insanlar özlərində halsızlıq, ümumi vəziyyətin pisləşməsini hiss edirsə, 103-ə zəng vurulmalıdır”, deyə Cəlal İsayev bildirib.

BakuCity.az

Cəlal İsayev Koronavirus
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər