Azərbaycanda kriminal avtoritet həbs edildi - FOTO

Azərbaycanda kriminal avtoritet həbs edildi - FOTO

“Diska Nəriman” adı ilə tanınır

Zaqatala sakinini bıçaqlayan şəxs tutulub.

BakuCity.az APA-ya istinadən məlumat verir ki, Zaqatala rayon Polis Şöbəsi əməkdaşlarının həyata keçirdiyi əməliyyat-axtarış tədbirləri nəticəsində ötən gün Car kənd sakini, 1996-cı il təvəllüdlü İsmayıl Məhəmməd oğlu Musayevi bıçaqlayaraq hadisə yerindən qaçan, əvvəllər məhkum olunmuş Nəriman Kərim oğlu Qurbanəliyev tutulub.  

Qeyd edək ki, məlum hadisə ötən gün axşam saatlarında rayonun Car kəndində qeydə alınıb. Kənd sakini, 1996-cı il təvəllüdlü İsmayıl Məhəmməd oğlu Musayev bıçaq yarası xəsarəti ilə Zaqatala Rayon Mərkəzi Xəstəxanasına daxil olub. Müayinə zamanı İ.Musayevin yaşadığı kəndin ərazisində bıçaqlandığı məlum olub. Yaralı dərhal cərrahiyyə əməliyyatına götürülüb. 

Faktla bağlı Zaqatala rayon Polis Şöbəsində araşdırma aparılır.  

Xatırladaq ki, hadisəni törədən N.Qurbanəliyev kriminal aləmdə “Diska Nəriman” adı ilə tanınır. O, bir müddət əvvəl həbsdən buraxılıb.

N Qurbanəliyev əvvəllər Zaqatalada “obşak”a baxıb və həbsdə olan avtoritetlərə pul toplayıb.

Onu da əlavə edək ki, “obşak” kriminal aləmin maliyyə vəsaitinin cəmləşdiyi ümumi büdcədir.

BakuCity.az

Zaqatala kriminal avtoritet həbs
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər