Bakıda xanım sürücü dünya çempionunu xəstəxanalıq etdi - FOTO

Bakıda xanım sürücü dünya çempionunu xəstəxanalıq etdi - FOTO

Tanınmış polis zabiti xidmət zamanı ağır xəsarət alıb.

Əməkdar idman ustası, kiqboksinq üzrə 6 qat dünya, 12 qat Azərbaycan çempionu "Prins Baku" təxəllüsü ilə tanınan polis kapitanı Kamil Şərifov ağır xəsarətlə xəstəxanaya yerləşdirilib.

BakuCity.az xəbər verir ki, Suraxanı rayonu 31-ci Polis bölməsi əməkdaşı olan K.Şərifov mayın 11-də karantin postunda olarkən polisin qanuni tələbinə tabe olmayan xanım sürücü tərəfindən vurulub.

Karantin postunda "Audi" markalı maşını idarə edən qadını icazə sənədi olub-olmamasını yoxlamaq üçün saxlamaq istəyərkən sürücü qadın qaçmağa çalışıb və avtomobili ilə Kamilin sol ayağının üstündən keçib. Xəstəxanada müayinə zamanı məlum olub ki, K.Şərifovun ayağında vətərlər qopub.

Hazırda prokurorluqda cinayət işi başlanılıb araşdırma aparılır.

Xatırladaq ki, K.Şərifov 2015 ci ildə də Qaradağ rayon Polis İdarəsinin 10-cu polis bölməsində növbə zamanı 5 nəfərlik cinayətkar qrupu zərərsizləşdirərkən 3 bıçaq yarası almışdı. (criminal.az)

Bakıda xanım sürücü dünya çempionunu xəstəxanalıq etdi - FOTO, fotoşəkil-1 Bakıda xanım sürücü dünya çempionunu xəstəxanalıq etdi - FOTO, fotoşəkil-2

BakuCity.az

Bakıda Xanım Dünya
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər