Azərbaycanda hər kəs koronavirusa yoluxacaq - XƏBƏRDARLIQ

Azərbaycanda hər kəs koronavirusa yoluxacaq - XƏBƏRDARLIQ

"Koronavirusa yoluxma artır, çünki kütləvi yerlərdə insanlar maska taxmırlar”.

BakuCity.az xəbər verir ki, bunu həkim-infeksionist Vüsalə Talıblı deyib.

V.Talıblı bildirib ki, metroya maskasız girmək qadağan olunsa da, insanlar qatara mindikdən sonra maskanı aşağı salırlar:

"Səhiyyə təşkilatları, mütəxəssislər hər gün deyir ki, bu virusdan qorunmaq üçün peyvənd yoxdur. Əlimizdən gələn ancaq təmizliyə diqqət etmək, əlləri sabunla yumaq, maska taxmaqdır. Əslində, çox bəsit qorunma üsulu var, amma insanlar maska taxmaq istəmirlər.

Maska taxılmaması ilə bağlı cəriməni çoxdan gözləyirdim. Əgər bir nəfər avtobusda digəri ilə 15 dəqiqədən artıq yan-yana dayanırsa, bu, artıq risk faktorudur. 

V. Talıblı qeyd edib ki, virus infeksiyalarında maska taxmaq kifayət qədər qoruyucu təsirə malikdir:

"Əgər kiminləsə yaxın təmasda durmusansa, belə halda maska tam qoruyucudur. O halda qoruyucu deyil ki, xəstə sənin üstünə asqırır və ya öskürür. Spirtdən çox sabunla əl yumaq daha effektivdir. Spirt üzərimizdə olmalıdır, çünki hər yerdə əl yumağa şərait olmur”.

İnfeksionistin sözlərinə görə, koronavirusa yoluxma sayında artım gözlənilir:

"Digər virusları da nəzərə alaraq, qaydalara riayət olunmasa, bu virusu qızılca, suçiçəyi kimi hər birimiz keçirəcəyik. Gözlədiyim budur. Qaydalara riayət etməsək, hər birimiz mərhələ-mərhələ bu xəstəliyə yoluxacağıq. Artıq bu virus qaçılmazdır. Ona görə əlimizdən gələni etməli, maska taxmalı, sosial məsafəni gözləməliyik. Qızılcanın peyvəndi var, bunu uşaqlara vurdururuq, bu virusun isə peyvəndi yoxdur”. (apa)

BakuCity.az

xeberler azerbaycan
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər