Bakıda neqativ çıxan Covid-19 testi pozitiv edildi - FOTO

Bakıda neqativ çıxan Covid-19 testi pozitiv edildi - FOTO

Bakıda neqativ çıxan koronavirus testini pozitiv olaraq təqdim ediblər.

Bakıda “Referans Klinik Laboratoriya Mərkəzi&Poliklinik”də Covid-19 testindən keçən vətəndaş xoşagəlməz durumla qarşılaşıb.

BakuCity.az xəbər verir ki, Sadıq-zadə Mirzə Zeynal oğlu sözügedən tibb mərkəzində testdən keçib və nəticəsi neqativ çıxıb.

Amma “Referans Klinik Laboratoriya Mərkəzi&Poliklinik” İcbari Tibbi Sığorta üzrə Dövlət Agentliyinə vətəndaşın test cavabını pozitiv kimi təqdim edib.

Bu barədə danışan M.Sadıq-zadə bildirib ki, ona yaxın olan şəxslərdən birinin COVID-19 testinin nəticəsi pozitiv çıxıb və bu səbəbdən narahat olduğu üçün özü də test etdirib:

“Testdən bir neçə gün öncə yüngül öskürək və 37,4-37,5 qızdırmam var idi. Təcili yardıma bildirsəydim, cavablar üç günə  çıxacaqdı və əgər məndə pozitiv idisə, kimisə yoluxdura bilərdim. “Referans”a yollandım ki, əmin olum. Cavab neqativ çıxdı və artıq test verməyə gedəndə məndə heç bir narahatlıq yox idi”.

Şikayətçi onu da bildirib ki, bundan öncə xüsusi karantin rejimi dövründə portalda iş üçün icazəsi olub:

“Bu gün baxdım ki, silinib. Yeni icazə götürmək istədiksə isə bildirildi ki, COVID-19-a yoluxmuş şəxs 21 gün sonra icazə götürə bilər. Laboratoriya mərkəzinin hansısa işini düzgün görməyən əməkdaşı mənim barəmdə İcbari Tibbi Sığorta üzrə Dövlət Agentliyinə yanlış məlumat verərək, nəticəmin pozitiv çıxdığını bildirib. Bu səbəbdən, dünəndən telefonuma gələn zənglər və mənim hər birinə göndərdiyim testin nəticələrinə inansalar da, adını qeyd etdiyim poliklinika öz səhvini düzəltmədi", - deyə paytaxt sakini bildirib.

Xatırladaq ki, M.Sadıq-zadə COVID-19 testi üçün klinikaya 100 manat ödəniş edib. (qafqazinfo)

Bakıda neqativ çıxan Covid-19 testi pozitiv edildi - FOTO, fotoşəkil-1 Bakıda neqativ çıxan Covid-19 testi pozitiv edildi - FOTO, fotoşəkil-2 Bakıda neqativ çıxan Covid-19 testi pozitiv edildi - FOTO, fotoşəkil-3

BakuCity.az

Şərhlər