Azərbaycanlı professor pandemiyanın bitəcəyi dəqiq tarixi dedi

Azərbaycanlı professor pandemiyanın bitəcəyi dəqiq tarixi dedi

Professor Adil Qeybullayev Covid-19 virusunun bitəcəyi dəqiq tarixi söyləyib.

"Bakı şəhərində bütün xəstəxanalar imkanlarını mobilləşdirsə, təxminən 7 min xəstənin yatmasına imkan var. Axı bu qədər personal, tibb bacıları, həkim yoxdur ki, onlara xidmət göstərə".

BakuCity.az xəbər verir ki, bunu tibb elmləri doktoru, professor Adil Qeybulla deyib.

A.Qeybulla bildirib ki, bütün ağırlaşan xəstələrin böyük əksəriyyəti vaxtında həkimə müraciət etməyənlərdir:

"Təcrübə göstərir ki, COVİD-19 klinik olaraq bütün əlamətləri ortaya çıxdığı halda bəzən testlər mənfi olur. Yəni, test ayrıca bizə tam dəqiqliyi ilə bir şey deyə bilmir. Test ümumi bir müayinə prosesində diaqnostikanın bir elementi kimi götürülə bilər, amma tək testə güvənmək olmaz. İnsanlarda koronavirusun klinik əlamətləri varsa, təngnəfəslik, qızdırma, halsızlıq, ağciyərlərdə konkret Covid xarakterli dəyişiklik, "buzlu şüşə" sindromu və s., bu, o deməkdir ki, xəstə yataq rejimində müalicə almalıdır.

Vaxtında aparılan müalicə çox şeyin qarşısını ala bilir. Təəssüflər olsun ki, bütün ağırlaşan xəstələrin böyük əksəriyyəti vaxtında həkimə müraciət etməyənlərdir. Xeyli xəstələrdə xəstəlik subklinik (əlamətsiz - red) formada keçir, xüsusilə də uşaqlarda və bəzən uşaqlar özləri yoluxma mənbəyi kimi çıxış edirlər".

Professor koronavirusun 8-9 aya yoxa çıxacağını bildirib:

"Müəyyən şarlatanlar, müəyyən adamlar ortaya çıxıb reseptlər deyirlər. Xəstəlik simptomatik müalicə olunur, amma xəstəliyin spesifik müalicəsi yoxdur. Yalnız "Remdesivir", hələlik ilkin olaraq iki yüngül formada istifadə edilir. ÜST-ün təlimatına əsasən maye formasında ilk 5 gün verilir.

"Arbidol" boş şeydir, camaat heç onu axtarıb almasın. Daha çox vitaminlər köçürtmək lazımdır. Əgər immun sistemdə paradoksal reaksiya getsə, "imunasupresoare"lərdən istifadə olunmalıdır. İkinci, infeksiyada antibiotik istifadə olunur, qızdırmanı salmaq, qanı durulaşdırmaq üçün isə "Parasetamol" və s.".

A.Qeybulla vurğulayıb ki, bütün bu müalicə preparatlarını da həkim təyin etməlidir:

"Bütün müalicə həkim tərəfindən təyin edilməlidir. Vaksin məsələsinə, illüziyasına da insanlar qapılmasın. Bu virus 8-9 aya yoxa çıxacaq. O müddətə qədər insanların davranışları adekvat olsa, biz, yəqin ki, bundan daha az itkilərlə çıxa bilərik". (milli.az)

BakuCity.az

xeberler xeberler baki xeberler portali xeberler son deqiqe xeberler azerbaycan xeberler bugun 2020 xeberler bu gune xeberler dunen sonxeberler en son xeberler
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər