Azərbaycanda məktəblər bu tarixdə açıla bilər

Azərbaycanda məktəblər bu tarixdə açıla bilər

Azərbaycanda bütün yay boyu teledərslərin davamlı olması gözlənilir?

"Mart ayının 3-dən etibarən ölkədə bütün pillələrdə təhsil dayandı. Fasilənin yaranması daha çox 1-4-cü və 9-11-ci sinif şagirdlərinə mənfi təsir göstərə bilər. Belə ki, 1-4-cü siniflərdə təhsil alan şagirdlərdə oxuma, anlama, dinləmə bacarıqları yeni formalaşır və bu qədər tədrisə ara vermək onlarda müəyyən qədər unutqanlıq yarada bilər. Bunun üçün bütün yay boyu teledərslərin davamlı olması mütləqdir".

BakuCity.az xəbər verir ki, bunu təhsil eksperti Kamran Əsədov deyib.

K.Əsədov bildirib ki, yay tətilində uşaqların dincəlməsi üçün şərait yaratmaq lazımdır. İsti yay aylarında belə, təhsil alanların qismən də olsa təhsilə cəlb olunması qaçılmazdır. Hətta dərslərin 15 avqustdan başlamasını belə gözləmək olar:

"Məktəbə 1 ay qalmış, 15 avqustdan əvvəlki sinifdən əsas fənlərin təkrarı, ondan sonra yeni tədris ilinə başlamaq kimi variantlar da mümkündür. Amma keçirilməyən dərslərdəki zəruri informasiyaların şagirdlərə çatdırılması üçün onlayn dərslər də vacibdir. Çünki keçirilməyən mövzular şagirdlərə gələcəkdə əmək bazarında lazım olacaq". (redaktor.az)

BakuCity.az

Şərhlər