Bakıda bank işçisi koronavirusa yoluxdu: filial bağlandı

Bakıda bank işçisi koronavirusa yoluxdu: filial bağlandı

"Azər Türk Bank"ın Yasamal filialı müvəqqəti olaraq fəaliyyətini dayandırıb.

BakuCity.az xəbər verir ki, filial cümə günündən etibarən iyunun 24-dək fəaliyyətini müvəqqəti dayandırıb. 

"Azər Türk Bank"ın mətbuat katibi Rauf Ağayev bankın bağlanması xəbərini təsdiqləyib.

R.Ağayev qeyd edib ki, "Azər Türk Bank"ın Yasamal filialının məzuniyyətdə olan bir əməkdaşı COVID-19 virusuna yoluxub: "Bank rəhbərliyi tərəfindən filialın bütün əməkdaşlarının müayinəsinin təşkili həyata keçirilib. Filialın yerləşdiyi binada dezinfeksiya işləri aparılıb".

Qeyd edək ki, hazırda həmin filialın müştərilərinə bankın Baş ofisində və digər filiallarında xidmət göstərilir. (modern.az)

BakuCity.az

Şərhlər