Həkimdən "COVİD-19"la bağlı inanılmaz iddia

Həkimdən "COVİD-19"la bağlı inanılmaz iddia

Azərbaycanlı həkim Zülfüqar Yusifov Covid-19 barədə inanılmaz fikirlər irəli sürüb.

"Bir neçə ay öncə xarici jurnallardan birində məqalə çıxdı ki, əslində Uhan şəhərində koronavirusun SARS növünün daha çox yoluxma qabiliyyətinə malik olmasını nəzərə alaraq, onun vaksinini tapmağa çalışıblar. O zaman SARS-ı laboratoriya şəraitində mutasiyaya uğradıblar, ancaq saxlaya bilməyiblər və yayılıb".

BakuCity.az xəbər verir ki, bunu tanınmış həkim Zülfüqar Yusifov deyib.

Həkimdən "COVİD-19"la bağlı inanılmaz iddia, fotoşəkil-1

Zülfüqar Yusifov, SARS, MERS VƏ COVİD-19 viruslarının beta koronavirus ailəsinə aid olduğunu, sadəcə o virusla yeni növ koronavirusun fərqinin yoluxma qabiliyyətinin indi daha çox olduğunu qeyd edib:

"O zamankı virusun öldürücülük qabiliyyəti yüksək idi. SARS və MERS-in öldürücülük qabiliyyəti 11-35% arasında dəyişib. İndiki koronavirusda isə təxminən 1-3% arasındadır. Ancaq onların yoluxma imkanları, yayılma arealı az olub. Ona görə də, təxminən 7-8 min nəfərə yoluxub və dayanıb. Covid-19-un əvvəlkilərdən fərqi çox yayılmasında və az öldürücü olmasındadır”.

COVİD-19-un SARS və MERS kimi bir neçə aya yoxa çıxması ehtimalına gəlincə, Z. Yusifovun fikrincə, bu çox da mümkün deyil:

"Yoluxma miqyasının genişliyi bu ehtimalları azaldır. Yoluxma o qədər çoxdur ki, bir qrup insanda bitir və digərlərinə keçir. Bu minvalla virus uzun müddət davam edə bilər. Yoluxma tezliyinin intensiv olması, bu virusun uzun müddət davam edə biləcəyini düşünməyə əsas verir”. (Yeni Müsavat)

BakuCity.az

Şərhlər