Azərbaycanda oğluna toy edən şəxs tutuldu - FOTO

Azərbaycanda oğluna toy edən şəxs tutuldu - FOTO

Azərbaycanda oğluna kiçik toy məclisi təşkil edən ata həbs olunub. 

Şəmkir Rayon Polis Şöbəsinin əməkdaşları koronavirus pandemiyası ilə mübarizədə əhalinin sağlamlığının qorunması məqsədi ilə elan edilən karantin rejiminin pozulması hallarının qarşısının alınması məqsədilə zəruri tdbirlər görür.

BakuCity.az xəbər verir ki, iyun ayının 29-da Şəmkir rayon Xuluf kənd sakini Əkbər Qəribov Rayon Polis Şöbəsinə müraciət edərək azyaşlı övladı üçün kiçik toy məclisi keçirmək istədiyini deyib.

Həmin vaxt vətəndaşa Nazirlər kabineti yanında Operativ Qərargah tərəfindən qəbul edilmiş karantin qaydalarına ciddi riayət olunması izah olunmaqla xəbərdarlıq edilib.

Buna baxmayaraq vətəndaş Əkbər Qəribov yaşadığı Xuluf kəndindəki evinin həyətində övladı üçün kiçik toy məclisi təşkil etməyə cəhd göstərib.

Şəmkir RPŞ-nin əməkdaşları dərhal vətəndaşın evinə gələrək məclisin başlanmasını dayandırmış, oradakı iştirakçılar RPŞ-yə gətirilərək barələrində İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə 100 manat həddində cərimə edilib.

Məclisin təşkilatçısı, polisin qanuni tələbinə qəsdən tabe olmayan Əkbər Qəribov barəsində isə İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) və 535-ci (Polis işçisinin və ya hərbi qulluqçunun qanuni tələbinə qəsdən tabe olmama) maddələri ilə müvafiq protokol tərtib olunaraq məhkəmənin qərarı ilə 10 gün müddətinə inzibati qaydada həbs edilib. (baku.ws)

Azərbaycanda oğluna toy edən şəxs tutuldu - FOTO, fotoşəkil-1 Azərbaycanda oğluna toy edən şəxs tutuldu - FOTO, fotoşəkil-2 Azərbaycanda oğluna toy edən şəxs tutuldu - FOTO, fotoşəkil-3 Azərbaycanda oğluna toy edən şəxs tutuldu - FOTO, fotoşəkil-4 Azərbaycanda oğluna toy edən şəxs tutuldu - FOTO, fotoşəkil-5

BakuCity.az

Şərhlər