SMS-i yoxladıqdan sonra qadına mesaj yazan polis işdən çıxarılıb.
Daxili İşlər Nazirliyində (DİN) paytaxt ərazisində qadının polis əməkdaşı - Zahir Abbasov tərəfindən şəxsi məlumatlarının əldə edilməsi ilə bağlı aparılan araşdırma yekunlaşıb.
BakuCity.az xəbər verir ki, araşdırma nəticəsində Z.Abbasov Daxili İşlər orqanlarından xaric edilib.
DİN-in Mətbuat Xidməti faktı təsdiqləyib.
Qeyd edək ki, bir neçə gün əvvəl Sevda Mahmudova adlı paytaxt sakini sosial şəbəkədə metronun “Koroğlu” stansiyasındakı keçiddən çıxarkən Z.Abbasov adlı polis əməkdaşı onun şəxsiyyət vəsiqəsinə baxdıqdan sonra məlumatlarını yaddaşda saxlayıb və daha sonra həmin şəxs ona “messenger” vasitəsilə şəxsi xarakter daşıyan mesaj yazdığını bildirib.
Qadının şikayətindən sonra DİN araşdırmalara başlamışdı. (ypx.az)
BakuCity.az
