Rusiyadakı Azərbaycan diasporundan gənclərə ÇAĞIRIŞ

Rusiyadakı Azərbaycan diasporundan gənclərə ÇAĞIRIŞ

Rusiyadakı Azərbaycan diasporu gəncləri ermənilərin təxribatlarına uymamağa çağırıb.

Rusiyanın Azərbaycanlı İcmaları Konfederasiyasının evində Rusiyanın Azərbaycanlı Gənclər Birliyinin (RAGB) təmçilçiləri və fəalları ilə görüş keçirilib.

BakuCity.az xəbər verir ki, bununla bağlı Diasporla İş üzrə Dövlət Komitəsindən məlumat verilib.

Məlumata görə, tədbirdə M.V.Lomonosov adına MDU-nun, MDBMİ, RXDU, Seçenov adına birinci MDTU, MDPU və s. ali məktəblərin tələbələri iştirak ediblər.

Həmçinin oxu: Moskvada azərbaycanlılarla ermənilər arasında daha bir neçə münaqişə yaşandı

Görüşdə çıxış edən Rusiya azərbaycanlıları diasporunun sədri akademik Fazil Qurbanov qeyd edib ki, bu ölkədə azərbaycanlılarla ermənilər arasında baş verən hadisələr bütün ictimaiyyəti ciddi narahat edir. Sədr qeyd edib ki, erməni seperatçıları tərəfindən son günlərdə törədilən təxribatçı hərəkətlər Rusiya cəmiyyətində millətlərarası sabitliyin qorunub saxlanılması məsələsinə meydan oxumaqdır.

"Rusiyanın çoxmilyonlu azərbaycan diasporunun təmsilçiləri olaraq, biz sülh və sabitliyin qorunması üçün əlimizdən gələni etməliyik. Rusiya qanunlarının aliliyinin təmin olunması, onların mütləq olaraq icrası RF ərazisində yaşayan hər bir şəxsin borcudur. Məhz buna görə biz Rusiyanın bu və ya başqa formada hər hansı təxribata çəkilməsinin əleyhinəyik", deyə o bildirib.

F. Qurbanov deyib ki, haqq bizim tərəfdədir və bunu "yumruq"la sübut etməyə ehtiyac yoxdur:

"Cəsur və mərd əsgərlərimiz, müvafiq qüvvələrimiz erməni qəsbkarlarına güclü cavab verirlər. Bizim vəzifəmiz isə tarixi Vətənimizi onun hüdudlarından kənarda layiqincə təmsil etməkdir. Bir daha hər kəsdən xahişim budur ki, tolerantlıq, təmkinlilik və müdriklik nümayiş etdirsin".

Görüşdə çıxış edən digər natiqlər bildiriblər ki, azğın, terrorçu meyilli erməni qaragüruhçu dəstələrinin dünya ölkələrində, o cümlədən Rusiyada yaşayan dinc azərbaycanlıların üzərinə hücum çəkməsi ürək ağrısı və ciddi təşviş doğurmaya bilməz.

Vəziyyətin ölkənin ali rəhbərliyinin, RF hüquq müdafiə orqanları nümayəndələrinin nəzarətinə götürüldüyü, Azərbaycan diasporunun müraciətinin Dövlət Dumasına, Federasiya Şurasına, daxili işlər naziri V.Kolokolsevə, siyasi fraksiyalara göndərildiyi, gənclərimizlə erməni separatçıları arasında qarşıdurma salmaq cəhdlərinin qarşısının alınmasına çağırış edildiyi vurğulanıb.

Həmçinin oxu: Rusiyada ermənilər arasında kütləvi dava: xəsarət alan var - VİDEO

Çıxış edənlər gəncləri şəxsi iddialara, zorakılığa, təxribatçı çağırışlara uymamağa, bütün azərbaycanlıların imicinə xələl gətirə biləcək hər hansı təxribatçı əməllərdə iştirakdan uzaq olmağa, bütün güclərini və intellektlərini erməni qəsbkarları haqqında həqiqətlərin sosial şəbəkələrdə və KİV-lərdə yayılmasına sərf etməyə çağırıblar.

Qeyd edilib ki, Rusiyanın azərbaycanlı diasporu Azərbaycan Respublikasının Prezidenti, Ali Baş Komandan İlham Əliyevin fəaliyyətini və xarici siyasət kursunu tamamilə dəstəkləyir.

BakuCity.az

Şərhlər