“BakuBus”lar niyə yanır? - EKSPERT RƏYİ

“BakuBus”lar niyə yanır? - EKSPERT RƏYİ

Həyəcan siqnalı!

"Son bir ay ərzində ikinci avtobusun yanması xoşagələn hal deyil. Hər iki yanğın hadisəsi göstərir ki, avtobusların üzərində nəzarət mexanizmi daha təkmilləşdirilmiş formada olmalıdır".

BakuCity.az xəbər verir ki, bu fikri yol hərəkəti təhlükəsizliyi üzrə ekspert Azər Allahverənov bildirib.

Azər Allahverənovun sözlərinə görə, bu məsələdə müəyyən boşluqlar mövcuddur:

"Avtobusun yanması hadisəsi elə-belə hal deyil. Bu məsələ mütləq araşdırılmalıdır. Birinci hadisədə araşdırmaların nəticəsini bilmirəm, ikinci hadisədə də necə olacaq bu da məlum deyil. Bu yanğın baş verməməli idi. Xoşbəxtlikdən yanğında fiziki xəsarət alan olmadı. Amma bu, o demək deyil ki, bu tarixin arxivinə adi hadisə kimi buraxılmalıdır. 

"BakuBus"ın özünün maddi texniki bazası var. Xüsusilə texniki təchizat, texniki baxış və bu kimi özündə ehtiva edən konkret bölmələri var. Avtobuslarda bu kimi halların qarşısını almaq üçün ciddi araşdırmalar aparılmalıdır.

“BakuBus”lar niyə yanır? - EKSPERT RƏYİ, fotoşəkil-1

Yanğının baş verməsi bir neçə ssenari üzrə baş verə bilər. Bununla bağlı Fövqəladə Hallar Nazirliyi daha ətraflı məlumat verə bilər.

Bu gün baş verən hadisənin bir aydan sonra təkrarlanmayacağı ilə bağlı heç kim zəmanət verə bilmir. Bütün avtobuslar texniki baxışdan keçməlidir. Bu işlər ciddi nəzarət mexanizmi üzərində aparılmalıdır.

Burada əsas məsələlərdən biri də sürücülərin fors-major vəziyyətlərə hazırlıqlı olmasıdır. Avtobusda olan yanğınsöndürənlərdən istifadə, sərnişinlərin təxliyyəsi, qapıların bağlı vəziyyətdə qalması zamanı şüşələrin xüsusi çəkiclərlə sındırılması vacib qaydalardandır". (baku.ws)

“BakuBus”lar niyə yanır? - EKSPERT RƏYİ, fotoşəkil-2

BakuCity.az

Şərhlər