Zafer Cantürk: İkinci dalğada insanlar evlərinə çörək apara bilməz

Zafer Cantürk: İkinci dalğada insanlar evlərinə çörək apara bilməz

Türkiyəli həkim, professor Zafer Cantürk pandemiyanın ikinci dalğasına hazırlıqlı olmağı, bunun birinci qədər təhlükəli olacağını bildirib.

BakuCity.az xəbər verir ki, baş həkim Z. Cantürk bütün dünyada yeni bir dalğalanmanın başladığını deyib:

"Doğurdan da çox ciddi bir problemlə qarşı-qarşıyayıq. Bütün dünyanı çətinə salan bir haldır. Nəticə etibarı ilə birinci dalğaya nisbətən daha hazırlıqlıyıq, amma bu ikinci dalğanın daha asan keçəcəyi demək deyil. İkinci dalğa birinci qədər təhlükəlidir. Əgər qaydalara uymayıb, ictimai yerlərdə maskadan istifadə etməsəniz, sosial məsafəni qorumasanız ölənlərin və yoluxanların sayı artacaq.

Qaydalara uymayan insanlar həqiqətən də Covid-19-a yoluxmuş, nəfəs darlığı, kürək ağrısı, həmçinin öskürən xəstənin çəkdiyi sıxıntıları görməlidirlər. Onu gördüyü zaman inanın, başını qapıdan əsla çıxarmaz. Biz bunları gördük, yaşayan çox yaxın dostlarımız da oldu", - deyə Z. Cantürk əlavə edib.

Z.Cantürk qeyd edib ki, insanlar ikinci dalğanın birinci dalğadan daha asan idarə ediləcəyinə aldanmasınlar, qaydalara əməl etsinlər:

"Yoxsa, ölən sayı daha da artacaq. Çölə çıxma qadağası başlayar, fabriklər bağlanar, iş dünyası batar. İnsanlar evinə çörək apara bilməz. O nöqtəyə gəlməmək üçün ən kiçik tədbirlərə belə riayət edilməlidir". (medicina.az)

BakuCity.az

Şərhlər