DEPUTAT: Tezliklə cəbhədən yeni xoş xəbərlər eşidəcəyik

 DEPUTAT: Tezliklə cəbhədən yeni xoş xəbərlər eşidəcəyik

“Sentyabrın 27-də şəhər saatlarından Füzulidə oldum”.

BakuCity.az xəbər verir ki, bunu deputat Vüqar Bayramov deyib.

V.Bayramov qeyd edib ki, son 3 gün ərzində Füzulidə baş verənləri müşahidə etmək imkanı olub: “Horadiz şəhərində və eləcə də Füzulinin kəndlərində görüşlər keçirdik. Müşahidələrim onu göstərdi ki, insanlar içərisində birmənalı olaraq əhval-ruhiyyə yüksəkdir. Onlar bizə müraciət edərək könüllü olaraq orduda xidmət etmək istədiklərini bildirirlər”.

Deputat vurğulayıb ki, Ermənistan silahlı qüvvələri tərəfindən bizim kəndlər və Horadiz şəhəri mütəmadi atəşə tutulur: “Nəzərə alsaq ki, sentyabrın 27-də səhər saatlarında Füzulinin Arayatlı kəndində mülki sakinlərin yaralanması faktı baş verdi. Bu da birbaşa erməni silahlı qüvvələri tərəfindən mülki vətəndaşları hədəf alması ilə bağlıdır. Onların bu hərəkəti davam edir. Amma bütövlükdə döyüş əməliyyatı Azərbaycan ordusunun nəzarəti altındadır. Biz inanırıq ki, yenidən uğurlarımız olacaq. Tezliklə rəsmi təsdiqlənmiş xoş xəbərlərin ictimaiyyətə söylənilməsini gözləyirik”.

Vüqar Bayramov söyləyib ki, vətəndaşlarımız rəsmi məlumatlara inanmalıdır: “Nəzərə alsaq ki, Füzulinin ətrafında yüksəkliklər var. Həmin yüksəkliklərdə Azərbaycan ordusunun nəzarət etməsi çox vacibdir. Kəndlərimiz, torpaqlarımız azad olunduqca bu barədə ictimaiyyətə məlumat verilir. Vətəndaşlarımız rəsmi məlumatlara istinad etsinlər. Əminəm ki, tezliklə biz yeni xoş xəbərlər eşidəcəyik”. (konkret.az)

BakuCity.az

xeberler xeberler baki xeberler portali xeberler son deqiqe xeberler azerbaycan xeberler bugun 2020 xeberler bu gune xeberler dunen sonxeberler en son xeberler
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər