DEPUTAT: Ordumuz tezliklə bütün torpaqlarımızı işğaldan azad edəcək

DEPUTAT: Ordumuz tezliklə bütün torpaqlarımızı işğaldan azad edəcək

“Bu gün Azərbaycanın apardığı mübarizə bölgədə haqqın və ədalətin bərpasına yönəlib”.

BakuCity.az xəbər verir ki, bunu deputat Cavid Osmanov bildirib.

C.Qurbanov qeyd edib ki, beynəlxalq təşkilatlar və dövlətlər də bunu etiraf edir ki, 30 ildir ki, Ermənistanın işğalçı və terrorçu dəstələri 20 faiz torpaqlarımızı işğal edib, etnik təmizləmə işləri aparıb, abidələrimizi dağıdaraq tarixi saxtalaşdırmağa çalışıblar:

“Eyni zamanda beynəlxalq hüquq normalarının əksinə gedərək məskunlaşdırma siyasəti aparıblar, ayrı-ayrı dövlətlərdən erməni əsilli terrorçuları gətirərək işğal ərazilərində yerləşdiriblər. Əlbəttə ki, sentyabrın 27-də Ermənistan silahlı qüvvələrinin geniş miqyaslı təxribatının qarşısını almaq üçün anti-terror əməliyyatı nəticəsində bir neçə yaşayış məntəqələrimiz düşmən işğalından azad edilib. Ümumilikdə, bu torpaqlar BMT-nin 4 qətnaməsində də qeyd edildiyi kimi, Azərbaycan ərazisi kimi tanınır”.

Deputat vurğulayıb ki, bir çox dövlətlər və beynəlxalq təşkilatlar Azərbaycanın ədalətli mübarizəsində neytral mövqedə dayanırlar:

“Ölkəmizin öz ərazi bütövlüyünün bərpası uğrunda apardığı mübarizə sona kimi davam edəcək və Ali Baş Komandanımızın rəhbərliyi ilə ordumuz tezliklə bütün torpaqlarımızı işğaldan qurtaracaq”. (konkret.az)

BakuCity.az

Şərhlər