Yeni ili harada keçirmək olar?

Yeni ili Bakının hansı restoranında qeyd edək? - Bayram proqramı + QİYMƏTLƏR
Azyaşlılar üçün giriş pulsuzdur

Yeni il gecəsini restoranda qeyd etmək Bakı sakinləri arasında çoxdan dəb halını alıb. Burada hər şey düşünülüb: bayram süfrəsi, yolka ağacı, bəzək əşyaları, bayram ab-havası, musiqi, eləcə də çoxsaylı sürprizlər, şoular və atəşfəşanlıq. Sizə yalnız bəzənib gecəyə qatılmaq qalır.

BakuCity.az paytaxt restoranlarının Yeni il ərəfəsində qonaqlar üçün nə hazırladığını öyrənməyə çalışıb.

“Meat Garden” restoranının baş direktoru Orxan Əlizadə bakılılar üçün hazırladıqları proqramdan danışıb:

“Bayram proqramımız dekabrın 31-i saat 21: 00-da başlayacaq və səhər 4-ə qədər, daha doğrusu, son qonağa qədər davam edəcək. Şou proqramımızı “Bakının Yeni il işığı” adlandırdıq. Bu, həm şansonun, həm də Bakı mövzularında olan populyar musiqi ifaçılarının çıxışı ilə bağlıdır”.

Baş direktorun sözlərinə görə, həmin gecə restoranda Ceyhun Bakinski, Sadıx Mustafayev, Nazlı İbrahimova, Elvin Rəcəbov, eləcə də DJ çıxış edəcək:

“Əlbəttə ki, Şaxta baba da qonaqlarımızı təbrik edəcək. Qonaqlarımız üçün Merri Band-ın ifasında musiqili sürpriz hazırlamışıq”.

O.Əlizadə bu proqramın xüsusi olaraq uşaqlı ailələr üçün hazırlandığını vurğulayıb. Buna görə də qonaqlar özlərini bu ailəvi gecədə xoş əhval-ruhiyyədə hiss edəcəklər.

“Meat Garden”a xüsusi biletlərlə gələ bilərsiniz.

“Artıq biletlərin 60 faizi satılıb. Həmin biletlər həm ayrıca otaq, həm də ümumi zal üçün nəzərdə tutulub. Bir otaq 15-20 nəfər üçün nəzərdə tutulub, biletin qiyməti isə 95 manata başa gəlir. Digər otağımız isə 25 nəfərlikdir, amma ehtiyac olarsa, 40 nəfər üçün yer ayırmaq olar. Bir biletin qiyməti 100 manat təşkil edir. Ümumi salona isə biletlərin qiyməti 150-200 manat təşkil edir. Otaqlardakı şənlik bir DJ, karaoke və əlvan işıqlı lazer şousu ilə təmin olunacaq”, - deyə baş direktor bildirib.
Ənənəvi Yeni il gecəsində menyuda soyuq qəlyanaltılardan və salatlardan əlavə, Azərbaycanın milli mətbəxi də yer alacaq: blinçik, toyuq ləvəngisi, kabablar, həmçinin spirtli və spirtsiz içkilər, çay, meyvə assortisi.

O.Əlizadə həm uşaqlar, həm də böyüklər üçün hədiyyələrin olacağını söyləнiи. Salonda üç metr hündürlüyündə yolka ağacı qurulacaq.

Bundan əlavə, dekabrın 29-da restoranda korporativ tədbirlər keçiriləcək – adambaşı 50 AZN. Qeyd olunan məbləğə ziyafət menyusu, canlı musiqili şou proqram daxildir.

“Bayil Breeze” restoranının sahibi Yuliya Miratayeva da saytımıza özəl olaraq Yeni il şou proqramı barədə məlumat verdi:

“Bayram proqramımız saat dekabrın 31-i saat 21:00-da başlayacaq. Tədbirə tanınmış aparıcı Rafael İsayevi dəvət etmişik. Qonaqlarımızı böyük bir kollektiv halında bir araya gətirəcəyimiz Yeni il gecəsi düşünürük. Musiqinin müşayiəti altında müxtəlif müsabiqələr və oyunlar keçiriləcək. Müsabiqənin sonunda qonaqlarımız hədiyyələr və mükafatlar alacaqlar”.

Restoran sahibinin sözlərinə görə, Avropa və milli mətbəx nümunələrini özündə birləşdirən xüsusi Yeni il menyusu hazırlayıblar:

“Sonda böyük bir bayram tortu veriləcək. Saat 00:00-a az qalmış qonaqlar Prezidentin təbrikini dinləmək və möhtəşəm atəşfəşanlığı izləmək üçün yay zalımıza dəvət olunacaqlar. Burada kiçik furşet masası olacaq. Bundan sonra hər kəs səhərə qədər diskoteka olan salona qayıdacaq. Artıq biletlərimizin 50% -i satılıb. Əgər istək çox olarsa, oturacaqların sayını artıracağıq”.

Biletlərin qiymətinə gəlincə, böyüklər üçün 150 manat, 6-12 yaş arası uşaqlar üçün 100 manat təşkil edir, 6 yaşadək uşaqlar üçün isə giriş pulsuzdur.

Restoranda ailə anlayışı var, buna görə də restoran işçilərinin ailələri də Yeni ili “Bayil Breeze”də qeyd edəcəklər.
Y.Miratayeva tədbirin proqramının rus dilində olacağını vurğulayıb:

“Biz 21 dekabrda uşaqların Yeni il proqramını da planlaşdırmışıq. Təcrübəli və maraqlı animatorlar gələcək, maraqlı oyunlar keçiriləcək, Şaxta baba uşaqlara öz hədiyyələrini təqdim edəcək. Həmçinin xüsusi bir menyu da hazırlanıb və bütün bunlar cəmi 50 manata başa gəlir. Böyüklər üçün 30 dekabr 23:00-dan başlayaraq restoranımızın barında məşhur rus DJ-i Titsy-Tits-in iştirakı ilə ziyafət olacaq. Qeyd etmək istəyirəm ki, yerlərin sayı məhduddur”.

O bildirib ki, həmin gecədə azərbaycanlı DJ ALK da çıxış edəcək. Bar səhər saat 4-dək açıq olacaq, qonaqlar qəlyan, çay və karaoke ilə təmin ediləcək. Qeyd edək ki, DJ ALK 30 noyabrda da çıxış edəcək.

“Ümumiyyətlə, 6 növ banket menyusu var, qonaqlara öz alkoqollu içkilərini korporativ tədbirlərə gətirməyə icazə verilir. Qeyd etmək lazımdır ki, qonaqlarımız üçün fərdi musiqi proqramı da təşkil edə bilərik. Ziyafət menyumuzun minimum qiyməti adambaşına 55 manatdır. Menyuya klassik Azərbaycan mətbəxi də daxildir”, - Y.Miratayeva deyib.

Restoran zalı 60 nəfər üçün nəzərdə tutulub, ehtiyac olduqda yerlərin sayını 10 nəfərə qədər artırmaq olar. 20 nəfərlik ziyafət üçün salonu bağlamaq mümkündür, lakin bu xidməti göstərmək üçün minimum 10-15 nəfər qonaq olmalıdır. Həmçinin restoranın 30 nəfərlik zalını da sifariş etmək mümkündür.

Züleyxa İsmayılova

FOTO: Nicat Alili

BakuCity.az

Bakı restoranları Yeni ildə müştərilərinə nə vəd edir? - Bayram şouları, menyu, QİYMƏTLƏR
Qonaqları Yeni il sürprizləri gözləyir

Ləziz yeməklərlə bəzədilmiş süfrə, yolka ağacı, Şaxta baba, Qar qız, bayrama özəl sürprizlər, musiqi, şoular və atəşfəşanlıq – bir sözlə, 31 dekabrda əsl Yeni il ab-havası yaşamaq hər kəsin istəyidir. Bəs bütün bunları hansı məkanlarda həyata keçirək?

BakuCity.az bu məqsədlə paytaxtın ən prestijli restoranlarında təşkil ediləcək bayram tədbirləri və xidmətlərlə maraqlanıb.

“Baku City”də Yeni ili ulduzlu şou-proqramla qeyd edin

“Baku City” restoranı Yeni ilə özəl proqram və qiymət təklif edir. Restoranın musiqi rəhbəri Rauf Kamaloğlu saytımıza açıqlamasında 31 dekabr – Yeni il sürprizlərindən danışıb.

Onun sözlərinə görə, Dünya Azərbaycanlılıarının Həmrəylik Gününü və Yeni ili “Baku City” restoranında qeyd etməliyik, çünki bayram gecəsi məhz bu məkanda maraqlı olacaq:

“Dekabrın 31-i restoranımızda populyar ulduzlar – Vasif Məhərrəmli, Rüfət Axundov, Nadir Qafarzadə, İradə Mehri, Səbinə Selcan, Şəbnəm Tovuzlu, Nəfəs və bir çox digər müğənnilər, həmçinin rəqqasların iştirakı ilə şou proqram olacaq. Sabaha qədər davam edəcək proqramda aşıq musiqilərinə də yer ayrılacaq. Həmçinin bayrama özəl gecəmizdə qonaqlarımız milli mətbəxin istənilən təamını sifariş verə biləcəklər”.

Qonaqları sürprizlər gözləyir

R.Kamaloğlu Yeni il gecəsində restoranda auksion keçiriləcəyini də deyib:

“Bu gecəyə özəl isə Şaxta baba, Qar qız və animatorlar olacaq. Bizdə hər il Yeni il axşamı müxtəlif maraqlı sürprizlər olur ki, bu il də ənənəmizə sadiq qalmışıq. Çalışacağıq ki, qonaqlarımız üçün bu gecə daha da yaddaqalan olsun”.

“Baku City” restoranı müştəriləri üçün sadəcə diskoteka təşkil etmir, burada canlı ifa, canlı musiqi də var. Ümumilikdə isə milli musiqilərimizə üstünlük verilir. Məkanın geniş olması qonaqlar üçün xüsusi rahatlıq deməkdir. Restoranda şou proqram hər gün yenilənir, hər dəfə yeni müğənnilər olur. Yeməklər isə çoxçeşidlir.

“Hər il olduğu kimi, bu il də uşaqlar üçün maraqlı Yeni il şənliklərimiz var və artıq yerlərimiz rezerv olunmağa başlayıb. Ötən illərdə Yeni ili bizdə qeyd edən məktəblilər xidmətlərimizdən çox razı qalıblar”, - musiqi rəhbəri bildirib.

Qiymətlərə gəlincə, R.Kamaloğlu qeyd edib ki, Yeni ildə, adətən, paytaxt restoranlarında süni bahalaşma olsa da, bunun “Baku City”yə aidiyyəti yoxdur:

“Burada Yeni ili qeyd etmək istəyən hər bir nəfər üçün 70-100 manat arası ödəniş nəzərdə tutulub. Amma bu qiymət də yekun deyil – sadəcə 70 AZN də ola bilər. Menyuya zövqə və seçimə görə şərab, kabab və salatlar daxildir”.

“Baku City”də Yeni ili qeyd etmək istəyən hər kəs bu gecədə özü ilə istədiyi spirtli və spirtsiz içkini gətirə bilər.

Ünvan: Tbilisi prospekti, 32
Tel: (+99455) 211 34 13; (+99470) 716 57 57

Həmçinin oxu: Yeni ili Bakının hansı restoranında qeyd edək? - Bayram proqramı + QİYMƏTLƏR

Türkiyənin tanınmış müğənnisi gecədə qonaq olacaq

“Grand Opera” restoranı da Yeni il gününə özəl proqramlar hazırayıb.

Restoranın icraçı direktoru Emil Abbasov saytımıza bildirib ki, 31 dekabr – Dünya Azərbaycanlılarının Həmrəylik Günü və Yeni il bayramı münasibətilə xüsusi şou proqram nəzərdə tutulub:

“Qonaqlar saat 20:00-dan başlayaraq qəbul olunacaq, 21:00-da isə tanınmış ulduzlardan Günay İbrahimli, Ədalət Şükürov, Samir Piriyev və Miri Yusifin iştirakı ilə bayram proqramına start veriləcək. Gecənin aparıcısı Elvin Mərdanlı olacaq. Gecə saat 12 tamamdan sonra isə Aleyna Tilki səhnəyə daxil olacaq.

Sürprizlərə gəlincə, həmişə olduğu kimi, bu il də Yeni ili bol hədiyyələrlə qarşılayacağıq. Gecənin aparıcısı proqramın bu hissəsini əyləncəli şouya çevirəcək.

Məkanda xarici mətbəxt nümunələri və balıq məhsulları da olacaq. Alkoqollu içkilərdən isə yalnız xarici məhsullar servis ediləcək. Menyumuza daxil olan hər şey limitsiz veriləcək”.

Məkana xas özəlliklər

E.Abbasov qeyd edib ki, “Grand Opera”da hər şey – istər servis, istərsə də mətbəx tamamilə fərqlidir:

“Hazırda menyumuza salınan yeməklər sırf Avropa mətbəxtinə uyğundur. Burada təkrara yer verilmir və əminliklə deyə bilərik ki, Yeni il günü də müştərilərimiz yeniliklərlə qarşılaşacaqlar. Həmin gün qiymətlərimiz də fərqli olacaq.

7 yaşına qədər uşaqlar üçün giriş ödənişsizdir, 7 yaşdan 12 yaşa qədər uşaqlar üçün 50% endirim, 12 yaşdan yuxarı uşaqlar üçün isə tam ödəniş nəzərdə tutulub. 250 manatdan başlayan qiymətlər 300-400 manat arasında dəyişəcək. Bütün menyularımız standartdır, qiymətlərdə fərq sadəcə masa sayına görə olacaq”.

Yanvar və fevral aylarında toy mərasimini “Grand Opera”nın Kristal zalında qeyd edəcək müştərilərə Yeni il proqramına biletlər hədiyyə edilir.

Ünvan: Çobanzadə küçəsi 332 A
Tel: (+99450) 288 4525; (+99455) 555 09 09; (+99412) 421 00 00; (+99412) 375 09 09

Məkan yeni və möhtəşəmdir

“Secret Garden” restoranı da müştəriləri üçün bayram şousu hazırlayır.

Məkanın sahibi İntiqam Xankişiyev saytımıza açıqlamasında deyib: “Restoran “Midway Hotel”in birinci mərtəbəsində yerləşir. Hər iki məkan 2019-cu il iyulun 1-dən fəaliyyət göstərir. Hotel istifadəyə verildiyi vaxtdan burada yerli və xarici qonaqlara xidmət göstərmək üçün restoranı da müştərilərin ixtiyarına verdik. Hazırkı dizaynımız da yenidir, daha çox milliləşdirmək məqsədilə dəyişikliklər etmişik. Çalışırıq ki, müştərilərimizə gündəlik şou proqramlar təklif edək. Məqsədimiz əyləncə ilə milliliyi xüsusi dadlı təamlarla bir arada təqdim etməkdir. Təbii ki, buraya milli rəqslərimiz də daxildir ki, gələn turistlər istədikləri kimi dincələ və əylənə bilsinlər”.

Restoran ailəvi istirahət üçün əlverişlidir

Məkan qapalı olduğu üçün burada siqaret və qəlyan, ümumilikdə tütün məhsullarından istifadəyə qadağa qoyulub. Ona görə də uşaqlı ailələr rahat şəkildə “Secret Garden”i seçə bilirlər. Restoran, əsasən, milli mətbəx növlərini təqdim edir, amma 5 ulduzlu hotelin tərkibində olduğuna görə standartlara cavab vermək məqsədilə burada Asiya və Avropa mətbəxi də var. Hər bir mətbəxin isə xüsusi aşpazı var.

Yeni il bayramına özəl şou proqram

İ.Xankişiyev Yeni il bayramı münasibətilə məkanda təşkil olunan şou proqram barədə də məlumat verib:

“Hoteldə qalan qonaqlar və bayramı bizimlə qeyd edəcək yerli, həmçinin xarici müştərilər üçün xüsusi gecə təşkil ediləcək. Gecədə simvolik personajlar – Şaxta baba, Qar qız, musiqili qonaqlar, lotoreya oyunu (xaricə və bölgələrə istirahətə getmək üçün iki nəfərlik bilet, şam yeməkləri və müxtəlif hədiyyələr), lazer, fokus, həmçinin digər şoular olacaq. Bir sözlə, bu bizim restoranın ilk Yeni ilidir və çalışacağıq ki, uşaqdan böyüyə qədər hər kəs bizimlə birlikdə yaddaqalan gün keçirsin”.

Musiqili proqramda müğənni Roza Zərgərli öz ansamblı ilə birlikdə axşam saat 20:00-dan səhər saatlarına qədər çıxış edəcək. Amerikadan gələn müğənni Jasmin də qonaq olacaq. DJ isə, öz növbəsində, səhərə kimi qonaqları elektra musiqilərlə əyləndirəcək.

Məkanın özəlliyi

İ.Xankişiyevin sözlərinə görə, “Midway” qrupu olaraq məqsədləri ilk növbədə şəxsi heyətin gülərüz olmasıdır ki, bu qayda restoran üçün də keçərlidir:

“Qiymətlərimiz nə bahadır, nə də ucuz, amma həm yerli, həm də xarici ərzaq məhsullarımız, içkilərimiz lazımi standartlara cavab verir. Sadəcə Yeni il proqramımız deyil, yanvar ayından başlayaraq sonrakı proqramlarımız da maraqlı olacaq. Misal üçün, yanvarın 1-i İran, 2-si ərəb gecələri olacaq. Yanvarın 3-dən etibarən hər gün təqribən 35-40 manatlıq (adambaşına) banket menyumuz və s. olacaq”.

“Secret Garden” 31 dekabr – Dünya Azərbaycanlılarının Həmrəylik Günü və Yeni il bayramı üçün nəzərdə tutulan biletləri 6 yaşa qədər uşaqlara pulsuz, 6 yaşdan 12 yaşa qədər uşaqlara 50% endirimlə, 12 yaşdan yuxarı uşaqlara isə tam ödənişlə təklif edir. Qiymət 200 AZN-dir. Qiymətə daxildir: limitsiz yemək + içkilər və sabaha kimi şou proqram. Bayramı bu restoranda qeyd etmək istəyən müştərilərin rahatlığını nəzərə alaraq, məkan Yeni il günü maksimum 160 nəfərlik nəzərdə tutulub.

Ünvan: Nizami küçəsi, 77C
Tel: (+99412) 595 05 40

Ramilə Qardaşxanqızı

Foto: Nicat Alili

BakuCity.Az
Paytaxt restoranları Yeni il üçün müştərilərinə nələr təqdim edəcək? - FOTO
Yeni ili Bakıda harada qeyd etmək olar?

Zəngin Yeni il süfrəsi hazırlamaq üçün xeyli pul və zəhmət sərf edə bilərsiniz. Eyni məbləği bayramı həm də paytaxtın bəzi restoranlarda hazır şou proqramı və maraqlı sürprizlərlə qeyd etməyə xərcləyə bilərsiniz.

BakuCity.az paytaxt sakinləri və qonaqları üçün xüsusi Yeni il proqramının hazırlandığı məkanlara nəzər salmağı təklif edir.

“Bool Bool Dog” restoranından ilin son gecəsi üçün ziyafət hazırladıqlarını bildiriblər:

“Bizdə məşhur DJ-lərimiz, xüsusi şou proqram, hədiyyələr, müxtəlif əyləncəli oyunlar, müsabiqələr və “Welcome” Drinks olacaq”.

31 dekabrda standart menyuları olacaq, arzu edənlər bu menyu üzrə sifariş verə bilərlər. Bundan əlavə, bayram menyusu üçün üç seçim təqdim olunur: mini seçim – bir şüşə şampan və qəlyanaltılar; orta seçim – soyuq və isti qəlyanaltılar, 2-3 növ spirtli içki; maksimum dəst – çox sayda müxtəlif qəlyanaltılar, salatlar, isti yeməklər və alkoqollu içkilər.

“Əsas məqsədimiz hər şeyi elə hazırlamaqdır ki, qonaqlarımız rahat olsun. Buna görə də belə bir menyu hazırlayırıq ki, hər kəs rahat seçim edə bilsin. Mətbəx tam iş rejimində çalışacaq. Əlbəttə ki, masalar əvvəlcədən sifariş olunmalıdır. Lakin boş yerlərimiz olarsa, qonaqları bronsuz qəbul etməkdən də məmnun olarıq. Boş oturacaqlar yoxdursa, barda oturmağı təklif edə bilərik. Hər halda maksimum çalışacağıq ki, bütün qonaqları məmnun edək!” - restorandan qeyd ediblər.

İaşə müəssisəsində xidmət Avropa üslubunda olduğu üçün dekabrın 31-də də restoran öz konseptinə sadiq qalacaq. Menyuda ənənəvi Yeni il yeməkləri olmayacaq.

Həmçinin oxu: Yeni ili Bakının hansı restoranında qeyd edək? - Bayram proqramı + QİYMƏTLƏR

“Ləziz yeməklər bişirən mükəmməl aşpazımız var. Bu xidmət “Mişlen” ulduzu ilə qeyd olunan heç bir Avropa restoranından pis deyil”, - restorandan deyiblər.

Bildirilib ki, bir müddət əvvəl menyularına Asiya yeməklərindən də əlavə olunub. Tövsiyə olunur ki, qonaqlar mütləq bəzi ekzotik yeniliklərin dadına baxsınlar:

“Bütün bu yeməklər olduqca maraqlı formada, müxtəlif Asiya sousları ilə ənənəvi tərzdə təqdim edilir. Müştərilərimizə əsas restoran menyumuzdan məşhur steyklərimizi, şorbalarımızı, klassik salatlarımızı dadmağı da məsləhət görürük”.

Yeni il gecəsi restoran səhər saat 5-ə qədər açıq olacaq, şənlik proqramı bu müddət üçün hazırlanıb, lakin ehtiyac olarsa, “Bool Bool Dog” son qonağına qədər işləməyə hazırdır. Həmin gecə yer bron etmədən gələnlər üçün “facecontrol” nəzərdə tutulub.
Əlavə edilib ki, restoran məşhur “Bacardi” şirkəti ilə sıx əməkdaşlıq edir, buna görə də müsabiqələrdə “Bool Bool Dog” barından, həmçinin “Bacardi” markasından hədiyyələr və sürprizlər təqdim olunacaq:

“Biz maraqlı oyunlar keçirəcək, qaliblərimizi müxtəlif hədiyyələrlə mükafatlandıracağıq. Salonun Yeni il dekorasiyasına gəldikdə, özəl üslubda bəzədilmiş qeyri-adi yolka ağacımız olacaq”.

“Bool Bool Dog”un heç kəsin laqeyd qalmayacağı kokteyl barı da var. Burada peşəkar barmenlər tərəfindən hazırlanan dadlı və qeyri-adi kokteyllərdən ləzzət ala bilərsiniz. Qənnadı sənəti üzrə Azərbaycan çempionu olan şirniyyatçının hazırladığı orijinal təamların, desertlərin dadına baxmağa dəyər.

Həmçinin restoranın öz parkı var ki, burada avtomobillərinizi rahat şəkildə saxlaya bilərsiniz.

Ünvan: Xocalı prospekti, 14
Əlaqə: (051) 422 22 62

“Khachapuri Garden Baku” restoranı da qonaqları üçün əlvan Yeni il proqramı hazırlayıb.

Dekabrın 31-də restoranda reper Qurd və müğənni Orxan Əliyev kimi sənətçilər olacaq, eyni zamanda, gürcü rəqs şouları nümayiş olunacaq.

Əlbəttə ki, Şaxta baba və Qar qız da qonaqlarla birgə şənlənəcəklər. Uşaqların əyləncəsi isə animatorlara həvalə olunub.

Şənlik menyusunun qiyməti bir nəfər üçün 50 manatdan başlayır.

Ünvan: Məhsəti Gəncəvi, 25/34 (“Neftçilər” metro stansiyasının yaxınlığı, 8-ci KM)
Əlaqə: (050) 553 44 00

Züleyxa İsmayılova

BakuCity.az

 Yeni ili harda keçirmək olar?